«Aces High» er ein song av det engelske heavy metal-bandet Iron Maiden, skriven av bassisten i bandet, Steve Harris. Han var den ellevte singelen til bandey og den andre frå studioalbumet Powerslave (1984).

Den første B-sida til singelen var ein versjon av Nektar-songen «King of Twilight» frå albumet A Tab in the Ocean frå 1972. Versjonen deira er i røynda ein medley av songane «Crying in the Dark» og «King of Twilight», dei to siste songane på albumet. Den japanske 12"-singelen vart miksa med B-sidene frå singlane «The Trooper» og «2 Minutes To Midnight».^[1][2]

Teksten i songen er skriven ut frå synspunktet til ein britisk RAF-pilot som kjempar mot tyske Luftwaffe under Battle of Britain i 1940.^[3]

«Aces High» er ein av dei mest populære songane til Iron Maiden, og har blitt spelt av mange andre artistar.^[4][5] Songen vart nytta i videospelet Madden NFL 10, MTV-showet Nitro Circus og Steve Peat-delen av mountain bike-filmen New World Disorder III. Colin McKay nytta songen i sin del av skate-videoen Plan B Questionable. Songen finst òg i videospelet Carmageddon II: Carpocalypse Now.

«Aces High» vert ofte spelt som opningssongen på konsertane til Iron Maiden. Dette kan ein mellom anna sjå i videoane Live After Death og Iron Maiden: Flight 666. Songen kjem ofte like etter Winston Churchill-talen «We shall fight on the beaches» med lyden av fly i bakgrunnen. Churchill-talen vart òg nytta i byrjinga av musikkvideoen til songen.

I eit intervju i 2014 med magasinet Q sa Gerard Way at «konsertversjonen av 'Aces High' frå Live After Death var songen som førsst fekk han interessert i å spele live.»^[6]

7"-singel

12"-singel

Japansk og brasiliansk 12"-singel

Frå singelomslaget.^[7][8]

Iron Maiden

• Bruce Dickinson - vokal
• Dave Murray - gitar
• Adrian Smith - gitar
• Steve Harris - bassgitar
• Nicko McBrain - trommer

Produksjon

• Martin Birch – produsent, lydteknikar
• Derek Riggs – illustrasjon

• Ein versjon spelt inn somaren 1996 av Arch Enemy kom ut på hyllestalbumet Made In Tribute.
• Han vart spelt i 2005 av Jeff Scott Soto (Yngwie Malmsteen), Nuno Bettencourt (Extreme), Billy Sheehan (Mr. Big, Niacin), og Vinny Appice (Black Sabbath, Dio) på hyllestalbummet Numbers from the Beast.^[9]
• Han vart spelt i 2005 av Scott Lavender på albumet The Piano Tribute to Iron Maiden.^[10]
• Han vart spelt i 2006 av Concord Dawn (med State of Mind) på albumet Chaos by Design.^[11]
• Han vart spelt i 2006 av The Iron Maidens på albumet The Iron Maidens^[12]
• Han vart spelt i 2008 av Children of Bodom på albumet Skeletons in the Closet.^[13]
• Han vart spelt i 2011 av Reinxeed på albumet 1912
• Han vart spelt i 2013 av Thomas Zwijsen på albumet Nylon Maiden

1. ↑ Nyutgjeving av begge singlane som ein del av The First Ten Years. Strekte seg over tidsgrensa til UK Singles chart.

• Aces High - original video on Youtube