დედოფლის კითი, თითა მეგრული — ქართული აბორიგენული თეთრყურძნიანი სასუფრე ვაზის ჯიში სამეგრელოდან.

„კითი“ მეგრულად თითს ნიშნავს. ჯიშის სახელწოდება ქართულად „დედოფლის თითია“. მცირე ნარგავების სახითაა სამეგრელოში.

ზრდასრული ფოთოლი საშუალო ზომისაა, სამ-ხუთნაკვთიანი. ფოთლის ქვედა მხარე სქლადაა ქეჩისებრად შებუსული. ყვავილი ორსქესიანია. მტევანი საშუალო ზომისაა, ცილინდრული, საშუალო სიკუმსის, იშვიათად მეჩხერი. მარცვალი საშუალო ზომისაა, ოვალური ან მოგრძო, ღია ოქროსფერი. რბილობი ხორციანი და წვნიანი აქვს.

დედოფლის კითი საშუალო ზრდისა და საშუალომოსავლიანია. სიმწიფეში ოქტომბრის პირველ ნახევარში შედის. საჰექტარო მოსავლიანობა 4.5-6 ტონაა. სრული სიმწიფის პერიოდში ყურძნის შაქრიანობა აღწევს 18.4%-ს, ხოლო მჟავიანობა — 8.1-8.5 გ/ლ-ს.

ჯიში სასუფრე დანიშნულებისაა.

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 103