1995eko Azpeitiko Euskal Antzerki Topaketak
1995eko liburuxka osoa. Egin klik irakurtzeko.
Mota	antzerki festibal
Honen parte da	Azpeitiko Euskal Antzerki Topaketak
Denbora-tarte	1995eko abenduaren 1a - 1995eko abenduaren 21a
← 1994ko Azpeitiko Euskal Antzerki Topaketak 1996ko Azpeitiko Euskal Antzerki Topaketak →
Kokaleku	Azpeitia

1995eko Azpeitiko Euskal Antzerki Topaketak gertakari honen 13. Edizioa izan zen. Abenduaren 1etik 21era arte ospatu zen Zelaitxo aretoan. Hala ere, Urrestillako frontoian, Sanjuandegiko Aitonenan, enparantza nagusian, udaletxean eta Soreasu antzoki zaharrean ere antzezlan eta ekintza batzuk egin ziren. Izan ere, edizio honetan topaketek agertokiak zabaltzea erabakitzen du, herritarrek gertuago senti dezaten. Agertoki hauetan talde amateurrek antzeztu zuten.

Hain zuzen, amateur taldeek pisu berezia izan zuten topaketen edizio honetan, 9 antzezlanetik 6 amateurrenak izanik. Arrazoi honengatik, "Antzerki amateur maratoia" deitu zitzaion herrian zehar egin ziren antzerki emanaldi hauei. Aipatzekoa da guztira 5 antzezlan estreinatu zirela topaketa hauetan, estreinatzeak duen garrantzia azpimarratuz.

Edizio honetan Iñaki Begiristian omendu zuten eta irrati lehiaketa idazle honi buruzkoa izan zen, irratsaio hauek Herri Irratian izan izan ziren entzungai.

1995eko Ikusleen zein kritikaren sariak Markeliñe Taldearen “Kale gorrian” lanak jaso zituen eta kartelaren egilea Jon Berdejo izan zen, lehiaketa bidez.

Irrati lehiaketan Alegiako San Juan Herri Eskolak irabazi zuen DBH lehenengo zikloko lehen saria eta Azkoitiko Xabier Munibe Ikastolak bigarrena. Bigarren zikloko lehen saria Andoaingo Aita Manuel Larramendik irabazi zuen eta bigarrena Tolosako Laskurain Ikastolak.