1985eko Azpeitiko Euskal Antzerki Topaketak
1985eko Azpeitiko Euskal Antzerki Topaketetako kartela
Mota	antzerki festibal
Honen parte da	Azpeitiko Euskal Antzerki Topaketak
Denbora-tarte	1985eko abenduaren 3a - 1985eko abenduaren 21a
← 1984ko Azpeitiko Euskal Antzerki Topaketak 1986ko Azpeitiko Euskal Antzerki Topaketak →
Kokaleku	Azpeitia

1985eko Azpeitiko Euskal Antzerki Topaketak gertakari honen 3. Edizioa izan zen. Abenduaren 3tik 21era arte ospatu zen Soreasu aretoan eta Antxieta eraikinean, non antzerkiari buruzko erakusketa bat egin zen. Topaketak bere lehen hiru edizioak Soreasun egin bazituen ere, agertoki honetako eszenatokiak taldeentzat segurtasun neurriak betetzen ez zituenez, urte honetan Zelaitxo Zinema aretoa egokitzeko lanak hasten dira eta agertoki hori izango da topaketen gune nagusia 1986tik 2001era arte.

Azpimarratzekoa da edizio honetan, topaketei lehia ikutua kentzeko asmoz, saririk ez banatzea erabakitzen dela eta horrela izan zela bi urtez. 1987an berriro berreskuratu zen sari banaketa.

Gainera, antzerkia gai bezala harturik kongresu bat antolatu zen, honako hitzaldiekin:

• Hitzaldiak: “Antzerki amateurra gaur”, “Peñafloridako kontearen teatroa-Patri Urkizu” eta "Antzerkia orain, eta gero…?-Eugenio Arozena”
• Debatea: “Antzerkia eta erakundeak”. Aipagarria da debate hau, izan ere, erakunde esta instituzietako ordezkariak gonbidatu baziren ere, horietako inor ez zen aurkeztu debatera.

Kartelaren egilea Beatriz Pozo izan zen, lehiaketa bidez.