- Am leoedd eraill o'r un enw, gweler Llantrisant (gwahaniaethu).
Pentrefan yng nghymuned Tref Alaw, Ynys Môn, Cymru, yw Llantrisant[1][2] (
ynganiad ). Fe'i lleolir ar gyffordd wledig tua hanner ffordd rhwng Llanfaethlu i'r gorllewin a Llannerch-y-medd i'r dwyrain yng ngogledd-orllewin yr ynys, tua 8 milltir i'r dwyrain o Gaergybi. Mae'n blwyf eglwysig yn ogystal. Mae 138.4 milltir (222.7 km) o Gaerdydd a 221.4 milltir (356.3 km) o Lundain.
Hanes a hynafiaethau
Cyfeiria'r enw at y ffaith fod eglwys y plwyf yn gysegredig i dri sant, sef Afan, Ieuan a Sannan.[3] Yn yr Oesoedd Canol roedd y llan yn rhan o gwmwd Llifon, cantref Aberffraw.[4]
Cadwraeth
Ar gwr gogleddol y pentref ceir Cors-y-bol, ardal o wlybtir a groesir gan ffrwd sy'n llifo i gronfa Llyn Alaw. Tua milltir i'r de ceir Llyn Llywenan.
Cynrychiolaeth wleidyddol
Cynrychiolir yr ardal hon yn Senedd Cymru gan Rhun ap Iorwerth (Plaid Cymru)[5] ac yn Senedd y DU gan Llinos Medi (Plaid Cymru).[6]
Cyfeiriadau
