Pous Stefanus VI (VII)
Pontifikaat begin	22 Mei 896
Pontifikaat eindig	Augustus 897
Voorganger	Bonifatius VI
Opvolger	Romanus
Gebore	Rome
Sterf	Augustus 897 Rome, Italië
Ander pouse genaamd Stefanus

Stefanus VI (VII) was die 113de pous van die Rooms-Katolieke Kerk. Weens die statusverandering van Pous Stefanus (II), was Stefanus VI vanaf die begin van die 13de eeu tot 1961 bekend as Stefanus VII en was hy die 114de pous. Sien Die spesiale geval van Pous Stefanus (II) vir volle besonderhede.

Pous Stefanus VI (VII) is gebore in Rome die seun van Johannes. Hy is deur Pous Formosus aangestel as biskop van Anagni. Op 22 Mei 896 volg hy Pous Bonifatius VI op as kandidaat van die hertog van Spoleto en regeer tot sy dood in Augustus 897. Hy word opgevolg deur Pous Romanus. Die naam ‘Stefanus’ beteken 'gekroonde'.

Pous Stefanus VI (VII) is gehaat deur die Romeinse volk. Hy het die lyk van een van sy indirekte voorgangers, Pous Formosus laat opgrawe en tydens die "kadawersinode" (Latyn: Synodus Horrenda) in Januarie 897 plegtig laat veroordeel. Pous Formosus se lyk is vermink en in die Tiber-rivier gegooi.

Die Romeinse volk het die pous gearresteer, in die tronk gegooi en verwurg. In Augustus van 897 word hy opgevolg deur Pous Romanus wat in November van dieselfde jaar vergiftig word.

• Duff, Eamon (2001). Saints and Sinners: A History of the Popes, Yale University Press. ISBN 0300091656
• Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Die Engelse Wikisource bevat bronmateriaal oor hierdie onderwerp onder die titel:

Catholic Encyclopedia (1913)/Pope Stephan (VI) VII

• CE Inskrywing in die Catholic Encyclopedia (Engels)

• PTA Inskrywing in "Popes through the Ages" deur J. Brusher S.J. (Engels)

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.