Sint Pols

Sint Pols; Saint-Pol-sur-Mer
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	Geografia fisica
Coordenadas	51° 01′ 53″ N, 2° 20′ 38″ E
Superfícia	5,14 km²
Altituds; · Maximala; · Minimala	; 15 m; 1 m
	Geografia politica;
Estat	França;
Region; 32	Nauts de França;
Departament; 59	Nòrd ;
Arrondiment	Dunquèrca;
Canton	Dunquèrca-Oèst;
Intercom; 245900428	de Dunkerque Grand Littoral;
Cònsol	Christian Hutin (2008-2014)
	Geografia umana
	Autras informacions
Gentilici	Saint-Polois (en francés)
Còde postal	59430
Còde INSEE	59540

Sint Pols (francés Saint-Pol-sur-Mer) es una anciana comuna flamenca (departament del Nòrd) associada a Dunquèrca dempuèi 2010.

Geografia

Situacion

Sint Pols es una vila situada entre lo pòrt Èst de Dunquèrca, lo barri de Petite-Synthe e Fort-Mardyck.

Se situa dins la region naturala del Blootland que se caracteriza per de païsages fòrça planièrs e de canals nombroses. Sa superficia es de 5,14 km². La vila es religada a Lilla (80 km) e París (300 km) per l'autoestrada francesa A25, al tunèl sota la Marga via Calais per l'A16/E40, e a Brussèlas per l'A16/E40.

Clima

L'estacion meteorologica mai pròcha de Sint Pols es la situada dins lo pòrt. La vila ten un clima dich « temperat oceanic », çò qu'implica de nombrosas puèjas e una variacion pro fèbla de las temperaturas entre l'ivèrn e l'estiu.

Istòria

La municipalitat fuguèt creada en 1877 per destacament de la municipalitat de Petite-Synthe (comuna uèi desapareguda, perque fuguèt fusionada amb Dunquèrca en 1972). Deu lo sieu nom a l'estaminet (brassariá tradicionala) que se trobava a l'intrada de la vila : « lo Sant Pol » batejat coma aquò en memòria del Chevalier de Sant-Pol-Hécourt, companhon del famós corsari dunquerqués Jean Bart. En 1889 i apondèron « sus-Mar », abans que Dunquèrca cròmpe en 1912 los terrens situats en riba de mar per agrandir lo pòrt.

Lo 19 de decembre de 2003, los conselhs municipals de Dunquèrca e Sant-Pol-sus-Mar an votat en favor d'una fusion-associacion que creariá una novèla entitat de 94 187 abitants. Emai s'aquel procediment non èra pas encara obligatòri (l'es vengut dempuèi lo 1^er de genièr de 2005), lo prefècte exigèt un referendum al près de la populacion. La consulta aguèt luòc lo 5 de decembre de 2004, aquel còp sus tres comunas : Dunquèrca, Sant-Pol-sus-Mar e Fort-Mardyck. Emai se lo òc reculhiguèt lo 54 % dels sufragis exprimits, obtenguèt pas que lo 24,25 % dels inscriches en plaça dels 25 % que requerís la lei, lo prefècte refusét doncas la fusion.

2010 : En seguida de la decision del Conselh d'Estat d'anullar lo decrèt del prefècte, lo projècte de fusion es de nòu a l'òrdre del jorn^[1].
7 de decembre de 2010 : Lo prefècte avent autorizat los conselhs municipals de decidir de nòu l'avenidor del projècte, los 3 conselhs municipals votèron un còp de mai per la fusion-associacion.
8 de decembre de 2010 : Lo prefècte avent pres acte de la volontat dels conselhs municipals, acceptèt la fusion que prenguèt efièch tre lo lendeman, lo 8 de decembre de 2010^[2]^[3].