PROFILPELAJAR.COM

Puente Viesgo
Localización
	43°18′02″N 3°57′47″O / 43.300555555556, -3.9630555555556
Estado	España
Comunidade autónoma	Cantabria
Capital	Puente Viesgo
Poboación
Poboación	2.881 (2024) (79,72 hab./km²)
Xeografía
Superficie	36,14 km²
Altitude	71 m
Comparte fronteira con	Corvera de Toranzo ; Piélagos ; Castañeda ; Torrelavega ; San Felices de Buelna ; Santiurde de Toranzo
Organización política
• Mayor of Puente Viesgo (en)	Rafael Lombilla Martínez (en)
Identificador descritivo
Código postal	39670
Fuso horario	UTC+01:00
Código INE	39056
Sitio web	puenteviesgo.es

Puente Viesgo é un concello sito na comunidade autónoma de Cantabria, España, na comarca do Pas. Localízase ao suroeste da capital provincial, Santander, da cal dista uns 30 km de distancia.

O concello limita ao norte co de Piélagos, a oeste cos de Torrelavega e San Felices de Buelna, ao leste con Castañeda e Santiurde de Toranzo e ao sur con Corvera de Toranzo.

Xeografía

O concello está atravesado polo río Pas, de cuxas augas se nutre o balneario de Puente Viesgo. Dentro do municipio a localidade de Vargas, está ao pé dun antigo cruzamento de camiños, hoxe ocupados pola estrada nacional Santander-Burgos e máis a estrada da costa cantábrica. No pasado cruzaba o concello un ferrocarril Astillero - Ontaneda, do que hoxe aínda fica a antiga estación e as ferrovías, que son utilizadas como vía verde.

Outra fonte de ingresos turísticos do concello está formado polo complexo de covas do monte Castillo, no cal se abren as cavernas de El Castillo, La Pasiega, Las Chimeneas e Las Monedas. Nas proximidades levántase un centro de interpretación.

Localidades

Aés.
Hijas.
Las Presillas.
Puente Viesgo (capital municipal).
Vargas.

A capital municipal

Puente Viesgo é tamén o nome da capital do concello. Tiña 533 habitantes no ano 2004 (INE). Está a 71 msnm, xunto a unha ponte para cruzar o río Pas. Dista 28,5 km da capital rexional. Tornouse un centro turístico. Do seu patrimonio arquitectónico salientan a «Casona de Fuentes Pila», de estilo neomontañés, proxectada no ano 1928, e declarada Ben de Interese Cultural, con categoría de Monumento, por Decreto 68/2002, de 6 de xuño.

Desde aquí se colle a estrada que conduce até o Monte Castillo.

Orixe do topónimo

O nome Puente Viesgo é a evolución dun sintagma latino *pontem versicum, que ven a significar "ponte torcida".

Economía

Como é o caso doutros municipios rurais cántabros, seguen a practicarse as tradicionais actividades agropecuarias, pero na actualidade non chega ao 10% da súa poboación activa os que se adican a elas. Hoxe en día case a metade desa poboación traballa no sector terciario. Destaca o sector servizos, en especial o turismo, tanto o que visita as covas como o termal.

Monumentos

Salientan neste concello seis bens declarados de interese cultural:

Ademais, no cume do mesmo Monte Castillo, acháronse restos do que semella ser unha fortaleza medieval, sen que haxa documentación nin vestixios arqueolóxicos que permitan consideralo un castro prerromano.

En Aés poden verse tanto casas con escudo do século XVII, como construcións populares, nas que a solaina ou balcón, orientado para o sur corre entre dúas trabes ou muros couta-lumes de cachotería. Noutras localidades municipais poden verse casas señoriais que datan da época barroca e están levantadas con muros de cantería.

Festas

20 de xaneiro, La Perola, en Vargas.
Segundo domingo de maio, Día Nacional das Vías Verdes, celebrado en toda España, aquí se conmemora cunha marcha cicloturista que percorre o antigo trazado do ferrocarril Astillero-Ontaneda.
23 de maio, Virxe de Gracia, en Aés.
10 de xullo, San Cristovo, en Las Presillas.
22 de xullo, A Magdalena, en Vargas.
10 de agosto, San Lourenzo, en Las Presillas.
26 de agosto, San Vitores, en Hijas.
1 de setembro, O Bo Suceso, en Hijas.
4 de setembro, Santa Bárbara, en Corrobárceno (Puente Viesgo).
29 de setembro, San Miguel, en Puente Viesgo.