PROFILPELAJAR.COM

Santoña
Localización
	43°26′29″N 3°27′27″O / 43.441388888889, -3.4575
Estado	España
Comunidade autónoma	Cantabria
Capital	Santoña
Poboación
Poboación	10.892 (2023) (944,67 hab./km²)
Xeografía
Superficie	11,53 km²
Bañado por	Mar Cantábrico
Altitude	7 m
Comparte fronteira con	Noja ; Escalante ; Argoños ; Laredo
Organización política
• Alcaldesa	Milagros Rozadilla Arriola (en)
Identificador descritivo
Código postal	39740
Fuso horario	UTC+01:00; horario de verán; UTC+02:00
Código INE	39079
Outro
Irmandado con	Palos de la Frontera ; Lons ; El Puerto de Santa María
Páxina web	aytosantona.org…

Santoña é unha vila que se encontra na zona oriental de Cantabria, en España, situada na baía do seu nome, ao pé do monte Buciero. Dista uns 45 km da capital, Santander. A cidade de Santoña está limitada ao norte pola praia de Berria, ao sur pola praia de San Martín, ao leste polo monte Buciero e ao oeste polo porto pesqueiro e a nova sección de porto deportivo que á súa vez ten ao oeste as marismas.

Xeografía

A acción do curso baixo do río Asón formou a chamada ría de Treto que desemboca no estuario e cuxos sedimentos de abundantes limos formaron o ecosistema da marisma santoñesa. O monte Buciero elévase a uns 400 m; ocupa unha superficie maior que a metade do total do Municipio. En tempos pasados as súas ladeiras estaban roturadas con socalcos que se aproveitaban para o cultivo. Na actualidade a súa vexetación é de sotobosque e matogueira, con loureiros, abruñeiros, abeleiras, teixos e érbedos. A base do monte polo lado que dá ao mar está configurada por unha costa irregular e sinuosa que ofrece un grande acantilado. Rodeando o monte polo seu lado sur encóntrase a praia de San Martín, que é a entrada á baía. Fronteiro a esta praia aparece un areal chamado O Puntal, pertencente á localidade de Laredo. Coa praia de San Martín comeza a cidade pola parte sur.

A praia de Berria encóntrase no norte de Santoña. Formouse polos arrastres que depositaron dúas correntes de mar de dirección contraria, N-S e S-N. Santoña era na antigüidade case unha illa e as súas augas vertían por esta parte da praia, mais foise enchendo a saída da auga pola acción dos ventos, formando un banco de area e unha liña de dunas con vexetación que foron impedindo o escoamento para o mar norte e formaron así un istmo, que son as actuais marismas. Parece ser que o canal que atravesa as marismas, chamado Canal de Boó, era o que efectuaba o dito escoamento. As marismas son dun gran valor ecolóxico, reserva natural e zona protexida. Abarcan 3.500 hectáreas nas que están comprendidas unha parte de Noja, Colindres e Limpias, ademais da grande extensión da propia Santoña.

No límite oeste do Municipio encóntrase outro monte chamado o Brusco, dunha altitude de 250 m. e para o sur oeste o monte Montehano, xa no municipio de Escalante, onde está en convento do mesmo nome. Neste convento están sepultados os restos de Bárbara Blomberg, mai de Xoán de Austria.

Demografía

Con 11.592 habitantes (INE, 2005), este municipio era o oitavo núcleo máis poboado de Cantabria; aínda que ten o posto 94 en canto a superficie.

Evolución demográfica
1900	1910	1920	1930	1940	1950	1960	1970	1980	1990	2000	2005
4.339	6.315	7.327	7.024	11.136	8.938	9.082	10.633	11.003	11.211	11.556	11.592

Fonte: INE

.

Administración

Eleccións municipais, 25 de maio de 2003
Partido	Votos	%	Concelleiros
PSOE	3270	45,21 %	9
PP	2316	32,02 %	6
PRC	793	10,96 %	2

Alcalde electo: María Puerto Gallego Arriola (PSC-PSOE).

Eleccións municipais, 27 de maio de 2007
Partido	Votos	%	Concelleiros
PSOE	3295	48,34 %	9
PP	2183	32,02 %	6
PRC	704	10,33 %	1
MFE	489	7,17 %	1