Nižná Boca (germane Unterbotza hungare Szentivánboca) estas vilaĝo en Slovakio, en Regiono Žilina, en Distrikto Liptovský Mikuláš.
Situo
Nižná Boca situas en valo de rojo, laŭ ĉefvojo Brezno-Liptovský Hrádok. La lasta troviĝas 15 km.
Historio
Unue la keltoj, poste la slavoj minis tie ercojn. En la 12-a jarcento familio Szentiványi aŭ Szent-Iványi vokis tien germanajn ministojn. La vilaĝnomo aperis unuafoje en 1342. Ĝis la 19-a jarcento daŭriĝis la minado. En 1910 en Szentivánboca loĝis 748 da loĝantoj (729 slovakoj, 12 germanoj, 6 hungaroj). Ĝis Traktato de Trianon Szentivánboca apartenis al Hungara reĝlando, al Liptó, al distrikto de Liptovský Hrádok, poste al Ĉeĥoslovakio, fine dum la 2-a mondmilito kaj ekde 1993 al Slovakio. En la 20-a jarcento la vilaĝo profitas el la vintraj sportoj. En 2001 en Nižná Boca loĝis 195 da homoj (191 slovakoj, 2 ĉeĥoj, unusola polo).
Vidindaĵoj
- luterana novromanika preĝejo de 1844
- lignaj domoj de ministoj
