Francisko Thurzó fondis vilaĝon por servutuloj en 1557. Familio Thurzó konstruis luteranan preĝejon en 1612, iom poste la komunumo ricevis la rangon kampurbo kun foirorajto. En 1671 la loko estis centro de ribelo kontraŭ Habsburgoj. Fine de la ribelo oni ekzekutis 25 da ribelintoj. La loĝantaro okupiĝis pri komercado kaj manfaradoj, precipe pri teksado. Alvenis ankaŭ judoj, sinagogo, uzino por biero kaj akvomuelejoj konstruiĝis. En 1776Maria Teresia konfirmis la urborajton. En 1910 en la urbeto loĝis 1577 da loĝantoj (1271 slovakoj, 158 germanoj, 140 hungaroj). Ĝis 1919 ĝi apartenis al Hungario, al Árva (reĝa departemento), al distrikto de Námestovo, kies distriktejo estis. Poste la urbo apartenis al Ĉeĥoslovakio kaj iĝis unu el la centroj de slovaka kulturo. Okazis incendio en 1943, la milito detruis la urbon en 1944. Akvorezervujo formiĝis helpe de rivereto Oravo en 1954. En 2001 loĝis en la urbo 8135 da homoj (8025 slovakoj).
En fono montaro Oravská Magura kun monto Magurka, antaŭe "baseno" apud malalta akva nivelo – reguligita bordo de la akvabaraĵo apud enfluejo de Blanka Oravo, devene konstruita por evoluo de akva skiado
