La unua mencio devenis el 1332 pri Szelmenc, kiu dum la historio estis unueca komunumo. En 1566 la tataroj faris senhoma la vilaĝon. En 1910 vivis en Veľké Slemence 844 da homoj, plej parte hungaroj kaj apartenis al Ung, en distrikto de Veľké Kapušany.
Inter 1920-1938 la regiono apartenis al Ĉeĥoslovakio. Poste ĝi rehungariĝis laŭ Arbitracio de Vieno ĝis 1944. En 1946Sovetunio distranĉis la vilaĝon kaj dum unu tago konstruis ŝtatlimon. Ekde tiam estas Mali Selmenci en Sovetunio kun katolika preĝejo, Veľké Slemence en Ĉeĥoslovakio kun ortodoksa (omaĝe al Sankta Spirito el 1886) kaj kalvinana preĝejoj. En 2006 nova katolika preĝejo konstruiĝis en Veľké Slemence, kie en 2001 vivis 604 da homoj (hungaroj: 586). En 2005 limotrapasejo ekfunkciis por perpieda kaj bicikla trafikoj.
