![]()
|
Por aliaj signifoj, bv. rigardi la apartigilan paĝon: Petrovce
|
Petrovce, hungare Gömörpéterfala estas vilaĝo en Slovakio, en Regiono Banská Bystrica, en Distrikto Rimavská Sobota. La hungaroj uzas ankaŭ la pli mallongan formon Péterfala.
Situo
Petrovce situas sub piedoj de monto 334 m alta, laŭ la hungara landlimo, laŭ traira flankovojo. Rimavská Sobota troviĝas 30 km.
Historio
La vilaĝo estis unue menciita en la jaro 1244. En 1683 la vilaĝo ruiniĝis pro la militado. En 1910 loĝis en Gömörpéterfala 608 da homoj, (plejparte hungaroj). Ĝis Traktato de Trianon Gömörpéterfala apartenis al Hungara reĝlando, al Gömör kaj Kis-Hont, al distrikto de Jesenské, poste al Ĉeĥoslovakio, fine ekde 1993 al Slovakio. Inter 1938-1945 Gömörpéterfala rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. En 2001 loĝis en Petrovce 268 homoj, (258 hungaroj, 10 slovakoj). Ekde 2008 Slovakio kaj Hungario apartenas al interna zono de Schengen, sekve la limo estas ie ajn trapasebla senĝene. En Petrovce hungarlingva infanĝardeno funkcias.
Vidindaĵoj
Famuloj
En la vilaĝo naskiĝis hungara poeto Árpád Tőzsér.
