Ondavské Matiašovce (hungare Zemplénmátyás [zemplEnmAtjAŝ]) estas vilaĝo kaj municipo en Slovakio.
Situo
Ondavské Matiašovce situas laŭ maldekstra bordo de Ondava, laŭ traira flankovojo. Vranov nad Topľou troviĝas je 13 km.
Historio
La unua mencio okazis pri la vilaĝo en 1451 laŭ tiama hungara ortografio "Mathiasfalva". En 1600 oni komputis tie 21 impostantajn familiojn, preĝejon, paroĥon kaj lernejon. En 1623 pro incendio la tuta vilaĝo cindriĝis. En 1663 pesto, en 1778 tertremo okazis. Ĝis 1899 la oficiala hungara loknomo estis Matyasócz, poste ĝi ricevis novan nomon pro peto de poŝto. En 1910 laŭ la popolnombrado vivis en Zemplénmátyás 421 homoj, (slovakoj en majoritato, hungaroj en minoritato). Ĝis Traktato de Trianon la komunumo apartenis al Hungara reĝlando, al Zemplén, al distrikto de Vranov nad Topľou, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 1944 pro la milito la vilaĝo bruldetruiĝis. En 1952 kolĥozo formiĝis, en 1972 kulturdomo konstruiĝis. En 2001 vivis en Ondavské Matiašovce 804 homoj, (648 slovakoj, 152 ciganoj).
Vidindaĵoj
