PROFILPELAJAR.COM

Casa de Uceda
municipo en Hispanio vd
Administrado
Lando	Hispanio
Regiono	Kastilio-Manĉo
Provinco	Gvadalaĥaro
Komarko	Campiña del Henares
Poŝtkodo	19184
En TTT	Oficiala retejo [+]
Demografio
Loĝantaro	100 (2023) [+]
Loĝdenso	5 loĝ./km²
Geografio
Geografia situo	40° 51′ N, 3° 22′ U (mapo)40.844166666667-3.37Koordinatoj: 40° 51′ N, 3° 22′ U (mapo) [+]
Alto	914 m [+]
Areo	21,38 km² (2 138 ha) [+]
	Casa de Uceda (Kastilio-Manĉo)
	Situo de Casa de Uceda
	Casa de Uceda (Hispanio)
	Situo de Casa de Uceda
Alia projekto
	Vikimedia Komunejo Casa de Uceda [+]
	v • d • r

Casa de Uceda [kasadeuZEda] estas municipo en Hispanio, en la aŭtonoma komunumo, do regiono Kastilio-Manĉo kaj la provinco Gvadalaĥaro. Laŭ la stato de 2023 en la municipo vivis 100 loĝantoj sur areo de 21,38 kvadrataj kilometroj, kio rezultigas loĝdenson de 4,7 loĝantoj/km². La loĝantoj nomiĝas casaucedanos respektive casaucedanas.

Situo

Casa de Uceda situas en la nordorienta parto de Kastilio-Manĉo en la komarko aŭ distrikto Campiña del Henares en la okcidenta parto de la Provinco Gvadalaĥaro, je altitudo de 914 m super marnivelo; je 40 km el Gvadalaĥaro, provinca ĉefurbo, kaj je 66 km el Madrido, ŝtata ĉefurbo. La geografiaj koordinatoj estas 40°50′39″N 3°22′12″Ok.

La situo de Casa de Uceda en la centro de la Iberia Duoninsulo kaj ĝia altitudo super la marnivelo determinas klimaton de tipo mediteranea kontinenta, kun fortaj sezonaj kontrastoj de temperaturo kaj malmulta precipitaĵo. Najbaras la municipoj Valdepeñas de la Sierra, Villaseca de Uceda, El Cubillo de Uceda kaj Uceda, kiuj distribuiĝas laŭ la sekva skemo:

Nordokcidente: Valdepeñas de la Sierra	Norde: Valdepeñas de la Sierra	Nordoriente: Villaseca de Uceda
Okcidente: Uceda		Oriente: Villaseca de Uceda
Sudokcidente: El Cubillo de Uceda	Sude: Villaseca de Uceda	Sudoriente: Villaseca de Uceda

Historio

Kvankam Uceda iĝis Urbeto (urbo)|villa en 1593, ĝi jam estis loĝata multajn jarcentojn antaŭe. Ĝi apartenis kiel domaro al la teritorio Común de Villa y Tierra de Uceda ekde la reconquista kiam Alfonso la 6-a konkeris Toledon en 1085 kaj kun la urbo la tutan tajfon. En 1119, la reĝino Urraca donis la senjoriojn de Uceda kaj de Hita al Fernando García, kvankam en 1125 ĝi reekapartenis al la krono.

Letero de 1242 sendita de Ferdinando la 3-a indikas la domarojn de la konsilantaro de Uceda kiuj iĝis villas laŭ lia ordono, sed post tiu letero oni revenigis ilin al statuso de domaroj ene de la foruo de Uceda, pro kio eble Casa de Uceda estis municipo dum jaroj sed oni ne povas esti certa pri tio ĉar oni ne klarigis tion. Ekde 1222 ĝi ekapartenis al la senjorio de la arkiepiskopoj de Toledo post kiam Ferdinando la 3-a interŝanĝis la senjorion de Uceda kontraŭ tiu de Baza al sia filo Sanĉo, arkiepiskopo de Toledo. En 1575 la reĝo Filipo la 2-a konfiskis la senjorion de Uceda kaj okazigis vendon por subteni la ekonomian krizon, en kiu li estis, al Diego Mexía de Ávila y Ovando, kiu iĝos la grafo de Uceda en 1581.

Casa de Uceda apartenis al la graflando de Uceda, kaj estis simple bieno kie laŭ la tradicio oni malliberigis eksterleĝan filon de la grafo de Uceda, ŝajne fizika aŭ mensa malsanulo. En 1593, post diversaj konfliktoj la lokanoj aĉetis la senjorion de Uceda al Diego Mexía de Ávila y Ovando kaj la jurisdikcion el la graflando de Uceda restante submetita nur al la reĝa povo. La domaro de Casa de Uceda akiris finfine la titolon de villa definitive, adoptis la nomon de Casas de Uceda Campo del Rey, propran jurisdikcion. En 1609, la villa estis aĉetita kun Uceda fare de Cristóbal Gómez de Sandoval-Rojas (2a duko de Lerma kaj markizo de Denia kaj Cea) kaj de lia edzino María de Padilla y Manrique, ĉar la lokanoj devis vendi pro ŝuldoj.

En la Konstitucio de Cádiz de 1812 oni nuligis la senjoriojn. En 1925 oni aprobis la grupigon de la municipoj de Casa de Uceda kaj de Villaseca de Uceda kaj oni publikigis tion en la Gaceta de Madrid (Num. 269) la 26an de septembro.

Dum la dua duono de la 19-a jarcento la loĝantaro superis la 500 loĝantoj, sed poste venis dekadenco kaj la loĝantaro malpliiĝis. Post la Hispana Enlanda Milito la loĝantaro falis el pinto en 1950 al 96, tio estis oni perdis pli ol 400 loĝantojn pro diversaj tialoj: nome bataloj, prizono, politika persekutado, malsato ktp. Meze de la 20a jarcento la loĝantaro de multaj vilaĝoj de la regiono atingis pinton, kaj ankaŭ ĉe Casa de Uceda, sed poste okazis elmigrado, senloĝigo kaj maljuniĝo de la loĝantaro ĉefe dum la 1960-aj kaj 1970-aj jaroj, kaj ankaŭ ĉe Casa de Uceda kie oni falis al 96 lokuloj en 2016 kaj al 100 en 2023.