Lo diccionari Dauzat e Rostaing cita la fòrma de 1250, Ayleracum[2]. Brun-Durand dòna lei fòrmas Ayleracum (1250), Aleyracum (1323), Allerac (1558) e Aleyras (1780)[3].
Atestacions occitanas
La fòrma donaa per Frederic Mistral dins lou Tresor dóu Felibrige es Aleira[4] que correspond a [alej'ra]. Rogièr Pasturel a ortografiat lo nom de la comuna Aleirac[5].
Etimologia
L'etimologia es la meteissa que la d'Alairàs, Alairac (Auvèrnhe), totei dos en lo Naut Léger, Alairac (Carcassés), Alairac, comuna de Vindrac e Alairac e un vilatjòt de la comuna de Sautairargues, citat en 804 sota lo nom de villa Alairanicos [a l'origina ambé lo sufixe -anicum, semblariá]. L'etimologia seriá, segon Dauzat, lo nom d'òme latin Alarius o Hilarius ambé lo sufixe -acum[2], latinizacion dau sufixe gallés -ācon; i a una autra possibilitat, allariācon, dau nom gallés Allarios (e Xavier Delamarre precisa que Allarius es pas un nom latin, çò que concernís probablament tanben Alarius prepausat per Dauzat)[6]. Se tractariá doncas de la proprietat antica d'un òme dau nom d'Allarios, Alarius o Hilarius. Una formacion Hilarius + acum es tanben l'ipotèsi retenguá per JC.Bouvier[7].
Realizacion fonetica e toponim occitan
Probable que Ayleracum, citat en 1250, se deu legir Aleyracum. Voudriá dire que -ai- pretonic èra ja passat a -ei- en Daufinat a l'epoca. Aquò's una evolucion que concernís la mitat nòrd de l'occitan. Se pòt notar pasmens que Brun-Durand captura una atestacion Qomba Alayracci en 1358 per la Combe-d'Aleyrac sus la comuna vesina de Taulinhan.
Lo nom de la comuna se pronóncia [alɛjˈʀɑ], confòrmament a l'escafament deis oclusivas finalas dins aquesta partiá de Droma[8]. Aquel escafament es tanben notat en nòrma mistralenca (Aleira)[4].
Una restitucion en occitan dau nom de la comuna en Alairac puslèu que en *Aleirac permet de conciliar origina etimologica e prononciacion locala.
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Comunas deDroma en Occitània (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
.svg){kind=small}
.svg){kind=small}