Mense Maio 305, post quam Diocletianus et Maximianus abdicaverant, Galerius Severum Caesarem Augusti Constantii I proclamavit et eo administrationem Africae, Italiae et Illyrici mandavit.
Cum 25 Iulii306 Constantius I repente obiit, Severus Augustus factus est, sed filium Constantii Chlori Constantinum I, quem milites Constantii etiam Augustum proclamaverant, Caesarem facere debuit.
Mense Octobri Maxentius cum auxilio patri Maximiani Italiam occupavit et se ipsum Augustum fecit. Severus contra Maxentium profectus est, sed milites eius, qui antea cum Maximiano pugnaverant, a Severo, qui in Ravennam confugere debuit, defecerunt ad Maxentium.
Postea Maximianus eum in deditionem accepit, sed secundum aliquos historicos postea Severus mortem sibi conscivit, alii dicunt invicem eum captivum et supplicio affectum fuisse.
Familia
Severus uxorem ignotam duxit, ex ea filium Severianum habuit, quem Licinius imperator anno 313 interfici iussit.
