Leeds er borg í Vestur-Yorkshire á Englandi við Aire-ána. Hún er fjórða fjölmennasta borg á Bretlandi. Árið 2017 var fólksfjöldi Leeds um 785.000. Hún er ein af átta stærstu borgum Englands.

Á miðöldum var Leeds markaðsbær með landbúnaðarvörur og á Túdorsöld var Leeds orðin að verslunarbæ. Í iðnbyltingunni breyttist Leeds úr bæ í borg og Leeds öðlaðist borgarréttindi árið 1893. Í byrjun tuttugustu aldar hafði efnahagsleg og félagsleg staða borgarinnar breyst verulega við uppbyggingu á akademískum stofnunum eins og Leeds-háskóla. Borgin er einnig stærsta fjármála- og lagastofnanamiðstöð landsins fyrir utan London.

Leeds United er knattspyrnufélag borgarinnar.

Leeds er vinaborg eftirfarandi borga:

• Brno, Tékklandi
• Colombo, Srí Lanka
• Dortmund, Þýskalandi
• Durban, Suður-Afríku
• Hangzhou, Kína
• Lille, Frakklandi
• Louisville, Kentucky, Bandaríkjunum
• Siegen, Þýskalandi

  Þessi Englandsgrein er stubbur. Þú getur hjálpað til með því að bæta við greinina.