Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos.

Ángel Urzaiz

Biografía
Nacemento	(es) Ángel Urzáiz y Cuesta 21 de febreiro de 1856 El Puerto de Santa María, España
Morte	1 de maio de 1926 (70 anos) Madrid, España
Senador de España
1923 – 1926
Ministro de Economía
1915 – 1916
Deputado no Congreso dos Deputados
Gobernador civil
Gobernador civil de Córdoba
Datos persoais
Educación	Universidade Central
Actividade
Lugar de traballo	Madrid
Ocupación	político, avogado, xornalista
Partido político	Partido Liberal Fusionista
Familia
Fillos	Joaquín Urzáiz Cadaval

Ángel Urzaiz Cuesta, nado en El Puerto de Santa María (provincia de Cádiz) o 21 de febreiro de 1856 e finado en Madrid o 1 de maio de 1926, foi un avogado, xornalista e político español, foi ministro de Facenda durante a rexencia de María Cristina de Habsburgo-Lorena e durante o reinado de Afonso XIII.

Fillo de Antonio Urzaiz Castro, brigadier da Armada e secretario do Rei e Mª Dolores de la Cuesta y Nuñez.

Licenciado en Dereito pola Universidade Central de Madrid, colaboraba como xornalista en El Correo, Los Debates e a Revista de España. Inicia a súa carreira política como deputado por Vigo nas eleccións de 1881. Nas eleccións de 1884 non logra o escano por Vigo, pero en 1886 resulta elixido polo distrito de Lalín nunha elección parcial pola renuncia como deputado de Antonio Aguilar Correa, volvendo ser elixido por Lalín en 1888. A partir de 1893 volveu ser deputado polo distrito de Vigo en todas as eleccións celebradas ata 1920. En 1922 accedeu ao Senado como senador vitalicio.

Casou en maio de 1883 con Adela Cadaval Muñoz, señora do pazo de Cadaval de Nigrán, coa que tivo dous fillos: Elodia e Joaquín Urzaiz Cadaval.

Foi Subsecretario de Gobernación en 1887, Gobernador civil de Córdoba e Intendente en Cuba ata a perda da colonia en 1898, logo do seu regreso a España foi ministro de Facenda entre o 6 de marzo de 1901 e o 19 de marzo de 1902 nun gabinete Sagasta. Posteriormente, entre o 23 de xuño e o 18 de xullo de 1905, asumiu novamente a carteira de Facenda nun goberno que presidiu Eugenio Montero Ríos véndose obrigado a dimitir pola concesión duns créditos destinados a paliar a crise económica de Andalucía. Finalmente volveu dirixir o Ministerio de Facenda entre o 9 de decembro de 1915 e o 25 de febreiro de 1916 nun gabinete Romanones.

En 1908 fundou o xornal liberal La Voz de Vigo.

Ángel Urzaiz conta cunha céntrica rúa viguesa co seu nome, un dos eixes da cidade. Tamén, cunha praza en Gondomar e con outra rúa en El Puerto de Santa María. Á rúa viguesa déuselle ese nome a finais do século XIX, aínda que entre 1937 e 1979 mudou o nome para rúa de José Antonio.

Wikimedia Commons ten máis contidos multimedia na categoría:  Ángel Urzaiz

• Rodríguez Fdez.-Broullón, Rafael (2006). "El pazo de Cadaval-Urzáiz, en Nigrán" pp. 191-210. Revista de Estudios Provinciais n.º 21. Deputación de Pontevedra (en castelán).