Antzinako Egipto Dinastiak eta faraoiak

Aro aurredinastikoa

Aro protodinastikoa

Aro Goiztiarra

I.a - II.a

Inperio Zaharra

III.a IV.a V.a VI.a

Tarteko Lehen Aroa

VII.a VIII.a IX.a X.a XI.a

Inperio Ertaina

XI.a XII.a

Tarteko Bigarren Aroa

XIII.a XIV.a XV.a XVI.a XVII.a

Inperio Berria

XVIII.a XIX.a XX.a

Tarteko Hirugarren Aroa

XXI.a XXII.a XXIII.a XXIV.a XXV.a

Aro Berantiarra

XXVI.a XXVII.a XXVIII.a XXIX.a XXX.a XXXI.a

Aro Helenistikoa

Mazedoniarra . Ptolomeotarra

Erromatar Aroa

Egiptoko XXVI. dinastiak, K.a. 672tik K.a. 525 arte iraun zuen. Saitarra ere deitzen da, dinastia honek, bere hiriburua, Saisen baitzuen. Persiar konkistaren aurretik, Egipto gobernatu zuen azken bertako dinastia izan zen. Egiptoko aro berantiarraren hasieratzat hartzen da, aro honetan, XXVI., XXVII., XXVIII., XXIX., XXX. eta XXXI. dinastiak daudelarik.

Dinastia honek, bere jatorria, Egiptoko XXIV. dinastian du. Psametiko I.a Bakenrenefen birbiloba zen, eta Taharqo eta Tanutamaniren erregealdietan asiriar inbasioak jarraitu zuenez, Egipto osoko errege bakar bezala errekonozitua izan zen.

Asiriar Inperioko gobernariak, tronua mantentzeko gerra zibil eta matxinadetan murgilduta zeuden bitartean, Psametikok, Lidiako errege Gigesekin aliantza bat lortu zuen, eta Karia eta Greziako mertzenarioak sartu zituen bere armadan, asiriarren erasoak kanporatzeko.

K.a. 612an Ninive arpilatu eta Neo-asiriar inperioa erori ondoren, Psametiko II.ak eta bere ondorengoek, Ekialde Hurbileko eskualdeetan egiptoar domeinua lortzen saiatu ziren, baina babiloniarrek kanporatu zituzten Nabukodonosor II.aren erregealdian. Mertzenario greziarren laguntzarekin, Apries, babiloniarren konkista saiakerak geldiarazteko gai izan zen, baina pertsiarrek hartu zuten egipto, eta hauen errege Kanbises II.ak, Psametiko III.a kateatua eraman zuen Susara.

Manetonen arabera Jurgi Sintzeloren bertsioan: "XXVI. dinastia, Saiseko bederatzi erregek osatu zuten... Nekaok Jerusalem hartu eta Joacaz erregea gatibu eraman zuen Egiptora... Jerusalem asiriarrek hartu zutenean, bizirik mantendu ziren juduak, Uafrisen ondoan babestu ziren"

Gobernari saitarren izenen transkripzioa Manetonen epitomeetan:

Kronologia estimatua:

• Lehen faraoia: Nekao I.a, K.a. 672-K.a. 664
• Azken faraoia: Psametiko III.a, K.a. 526-K.a. 525