La vilaĝo situas sur ebenaĵo, laŭ traira flankovojo, laŭ maldekstra bordo de Danubo (pli precize iama vilaĝo, nun vilaĝparto Malé Kosihy estas ĉe la Danubo). Komárno troviĝas 22 km malproksime. Apude kanalo fluas en la Danubon.
La vilaĝo estis loĝata dum la neolitiko. La unua mencio devenis el 1268 en formo villa Kezu. Iom poste estiĝis apude Kiskeszi (Malgranda Keszi), la pli malnova tial nomiĝis Nagykeszi (=Granda Keszi). La turkoj detruis ambaŭ. En la 17-a jarcento la vilaĝo refondiĝis. Ofte okazis inundoj. En 1886 okazis ĥolero. Post unu jaro Malgranda kaj Granda Keszi unuiĝis. Denove post unu jaro incendio okazis. En 1910 loĝis tie 847 homoj (plejparte hungaroj). Ĝis 1919 la vilaĝo apartenis al Komárom (reĝa departemento), al distrikto Csallóközi, poste al Ĉeĥoslovakio. Post 1920 alvenintaj slovakoj fondis apudan komunumon Okánikovo. Inter 1938-1945 la komunumo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. En 2001 loĝis tie 970 homoj (830 hungaroj, 108 slovakoj).
Vidindaĵoj
katolika apudtombeja preĝejo de 2006, kiu profitis brikojn de malnova preĝejo de 1865
