Liu vann i 2015 gullmedaljen i asiameisterskapen i Wuhan med 61,33 m. Året etter rauk ho ut i kvalifiseringa under Sommar-OL i Rio de Janeiro. Etter ein åttandeplass i London-VM 2017, kasta ho 66,09 m då ho i 2018 sigra ved asialeikane i Jakarta og viste landskvinna Lü Huihui til andreplass. I VM i friidrett 2019 i Doha tok Liu sølvmedaljen med eit kast på 65,88 m, australske Kelsey-Lee Barber vann tevlinga. Høgdepunktet kom då Liu med eit bestekast på 66,34 meter sikra seg den olympiske gullmedaljen i Tokyo sommaren 2021. Sidan enda ho på fjerdeplass i VM i friidrett 2022, og på sjetteplass i VM i friidrett 2023.
