Dei olympiske ringaneLeninstadion under OL-opninga 1980
Friidrettsøvingane under Sommar-OL 1980 i Moskva vart avvikla i tida 24. juli til 1. august 1980. Det vart tevla i 38 øvingar, 24 for menn og 14 for kvinner. 50 kilometer kappgang var tilbake på OL-programmet i høve til sommarleikane 1976, dermed var friidrettsøvingane dei same som under Sommar-OL 1972 i München.
959 utøvarar frå 70 land deltok i tevlingane. Tevlingane fann stad på Leninstadion, eit anlegg som den gongen tok mot 103 000 tilskodarar.
Desse ni OL-dagane vart det sett seks nye verdsrekordar, tre for kvinner og tre for menn. Fyrste dagen på friidrettsbana oppnådde arrangørlandets Nadezjda Tkatsjenko 5 083 poeng. Tre dagar seinare forbetra namnesystera Nadezjda Olizarenko, også ho frå arrangørlandet, verdsrekorden på 800 meter til 1.53,43. Den 30. juli vann polske Władysław Kozakiewicz stavhopptevlinga og forlenga deretter lista lagt på verdsrekordhøgda 5,78 m, og svinga seg over. Dagen etter slengde Sovjetunionens eigen Jurij Sedykh sleggja 81,80 meter. Avslutningsdagen sette austtyskaren Gerd Wessig verdsrekord i høgdehopp med 2,36 m, og fire av landskvinnene hans verdsrekord på 4 x 100 meter stafett; tid 41,60 sekundar.
Ingen norske deltok då Norges Idrettsforbund valde å boikotte leikane.
