Dei olympiske ringaneFrå 400-metertevlingane under dei olympiske leikane
Friidrettsøvingane under Sommar-OL 1984 i Los Angeles vart avvikla i tida 3.-11. august 1984. Det vart tevla i 41 øvingar, 24 for menn og 17 for kvinner, tre fleire enn i førre Sommar-OL. Nye øvingar for kvinnene var 3000 meter, maraton og 400 meter hekk, dessutan hadde ein bytta ut femkamp med sjukamp.
1273 utøvarar frå 124 land deltok i tevlingane. Tevlingane fann stad på Los Angeles Memorial Coliseum, eit stadion med plass til 93 000 tilskodarar. Same arenaen var åstad for friidrettsøvingane under Sommar-OL 1932.
Den 8 og 9. august oppnådde briten Daley Thompson 8 798 poeng i tikampen, ei tangering av den ferske verdsrekorden til sølvvinnaren Jürgen Hingsen. (Då tikamptabellen vart justert i 1985 vart Thompson einsleg verdsrekordhaldar med 8847 poeng, mot Hingsens 8832 poeng). Avslutningsdagen sprang Sam Graddy, Ron Brown, Calvin Smith og Carl Lewis USA inn til verdsrekord på 4 x 100 meter stafett på tida 37,63 sekundar. Dessutan vart det sett sju andre olympiske rekordar for menn og ni for kvinner.
Maratonløparen Grete Waitz vann sølvmedaljen i øvinga, medan Ingrid Kristiansen vart nummer fire i same tevlinga. Også diskoskastaren Knut Hjeltnes enda på ein fjerdeplass. Kappgjengaren Erling Andersen vart nummer åtte på 20 km.
