Christen Mølbach

Christen Mølbach

Statsborgarskap Noreg
Fødd 8. november 1766
Kristiansand kommune
Død

7. juli 1834 (67 år)
Eigersund kommune

Yrke politikar, kjøpmann
Språk norsk
Christen Mølbach på Commons

Christen Mølbach (8. november 1766–7. juli 1834) var ein norsk kjøpmann, eidsvollsmann og stortingsmann.

Mølbach var fødd i Kristiansand, der faren var kjøpmann. Sjølv var han ei tid sorenskrivarfullmektig, men tok så til som kjøpmann i Eigersund.

I 1814 var han utsending frå Stavanger amt til riksforsamlinga på Eidsvoll. Han slutta seg der til unionspartiet.[1] Ti år seinare var han stortingsrepresentant frå same amtet. Han var då medlem av Lagtinget, og mellom anna av justiskomiteen.

I 1814 budde Mølbach i lystgarden Nesgård i Egersund. Etter jarnbaneutbygginga vart hovudbygninga først nytta som stasjon og seinare rive.[2]

Mølbach døydde i Eigersund i 1834.

Kjelder

  1. ↑ «Christen Mølbach (1766-1834)». Eidsvoll 1814. Henta 20. november 2015. 
  2. ↑ Hans Eyvind Næss (2014). «Christen Mølbach og Nesgård i Egersund». I Jørn Holme. De kom fra alle kanter - Eidsvollsmennene og deres hus. Cappelen Damm. s. 359-360. ISBN 978-82-02-44564-5.