ტურიზმი ფილიპინების ეკონომიკის მნიშვნელოვანი სექტორია. 2015 წლისთვის მოგზაურობისა და ტურიზმის ინდუსტრიის წილმა ქვეყნის მთლიან შიდა პროდუქტში 10.6% შეადგინა.^[1] ფილიპინები არქიპელაგია, 7 641 კუნძულისგან შედგება, რომლებიც 17 რეგიონად და 82 პროვინციად იყოფა. ქვეყანა მდიდარი ბიომრავალფეროვნებითაა ცნობილი, რაც მის უმთავრეს ტურისტულ ღირსშესანიშნაობასაც წარმოადგენს.^[2] ტურისტთათვის ყველაზე პოპულარულ დანიშნულების ადგილებს შორისაა ქვეყნის სანაპიროები, კულტურული მნიშვნელობის მქონე ქალაქები და ძეგლები, მთები, წვიმის ტყეები, კუნძულები და ყვინთვისთვის განკუთვნილი ადგილები.ტურისტულ ღირსშესანიშნაობებს შორისაა ქვეყნის მდიდარი ისტორიული და კულტურული მემკვიდრეობა, რომელიც გამორჩეულია ფესტივალებითა და ადგილობრივი ტრადიციებით. პოპულარული ტურისტული დანიშნულების ადგილებია: პალავანის პროვინციაში მდებარე ელ ნიდო, დავაო, ბორაკაი, სიარგაო, სებუ, მანილა და სხვა.

2015 წლის მონაცემებით ტურიზმის სექტორში 4.99 მილიონი ფილიპინელი იყო დასაქმებული. წარმატებული ტურისტული კამპანიის "It's More Fun in the Philippines" წყალობით 2015 წელს ქვეყანას 5 360 682 უცხოელი ტურისტი ეწვია. 2017 წელს უცხოელ ტურისტთა რაოდენობამ 6 620 908-ს მიაღწია.

ფილიპინებს მსოფლიო მასშტაბით ტურიზმთან დაკავშირებული არაერთი სახელი აქვს მოპოვებული, მათ შორის:მსოფლიო ფესტივალების ტრადიციული დედაქალაქი, წყნარი ოკეანის დასავლეთის დედაქალაქი, ესპანური აზიის ცენტრი, აღმოსავლეთის ზღვათა მარგალიტი, მარჯნის სამკუთხედის ცენტრი და სხვა. ქვეყანა ბიომრავალფეროვნების ცხელი წერტილია: მსოფლიოში ფრინველთა სახოებების ყველაზე მაღალი ენდემიზმის სიხშირე აქვს, ხოლო ძუძუმწოვართა და ფლორის მიხედვით - ერთ-ერთი უმაღლესი. ქვყანა რომაული კათოლიციზმის ბასტიონია აზიაში. ფილიპინებში მდებარეობს New7Wonders of Nature-ის ერთ-ერთი გამარჯვებული ობიექტი, პუერტო-პრინსესა (მიწისქვეშა მდინარე) და New7Wonders Cities-ის გამარჯვებული ქალაქი — ვიგანი. ფილიპინებში იუნესკოს მსოფლიო მემკვიდრეობის ნუსხის 6 ძეგლი: 3 კულტურული და 3 ბუნებრივი. ფილიპინელთა 90%-ზე მეტს ესმის და საუბრობს ინგლისურ ენაზე.

ტურიზმი ფილიპინების ეკონომიკის მნიშვნელოვანი ნაწილია. 2000 წელს ფილიპინებს 2.2 მილიონი ტურისტი ეწვია. 2003 წელს - 2 838 000 ტურისტი, რაც წინა წელთან შედარებით თითქმის 29%-ით მეტი იყო. 2011 წელს ფილიპინების ტურიზმის დეპარტამენტის მონაცემებით ქვეყანას 3.9 მილიონი ტურისტი ეწვია,^[3] 11.2%-ით მეტი 2010 წლის მაჩვენებლებთან შედარებით.

2012 წელს, მას შემდეგ რაც ტურიზმის დეპარტამენტმა ფართოდ გავრცელებული ტურისტული მარკეტინგული კამპანია - „ფილიპინებში უფრო მეტი მხიარეულებაა“ (It's More Fun In the Philippines) - წამოიწყო, ფილიპინები 4.27 მილიონმა ტურისტმა მოინახულა.^[4]

მსოფლიო ეკონომიკური ფორუმის მოგზაურობისა და ტურიზმის კონკურენტუნარიანობის 2017 წლის მოხსენების მიხედვით, ფილიპინებს 136 ქვეყნიდან 79-ე ადგილი უკავია.^[5] 2016 წელს ფილიპინებში 5 360 682 ტურისტი ჩავიდა. საერთაშორისო ტურიზმიდან მიღებული შემოსავალი კი 5 276 300 000 აშშ დოლარი იყო, რაც ყოველ ჩამომსვლელზე დახარჯულ 984.3 აშშ დოლარს უდრის. მოგზაურობისა და ტურიზმის ინდუსტრიაში 1 264 670 სამუშაო ადგილია შექმნილი, რაც მთლიანი სამუშაო ადგილების 3.3%-ს უდრის.^[6]

ფილიპინების ტურიზმის უმთავრესი ქვესახეობა საზღვაო ტურიზმია. ფილიპინების სანაპიროები არაერთ საერთაშორისო გაზეთში მოხვდა, რომელთაც 1-დან 8-მდე ადგილს აკუთვნებენ. ყველაზე პოპულარულ სანაპიროებსა და ყვინთვის ადგილებს შორისაა: ბორაკაი, ელ ნიდო, კორონი, სებუ და სირაგაო. სხვა მნიშვნელოვანი სანაპიროები მდებარეობს სამალიში, კაგალიში, ლა-იუნიონის პროვინციაში, პანგანსიანის პროვინციაში, ილოილოს პროვინციასა და ზამბოანგას რეგიონში.

ფილიპინებში ტურიზმის ზრდის ტემპით გამოირჩევა სამთო ტურიზმი, განსაკუთრებით ადგილობრივთათვის და დასავლელი უცხოელი ტურისტებისთვის. ყველაზე ცნობილ სალაშქრო ადგილებს შორისაა აპოს მთა, პინატუბოს მთა, ჰალკონის მთა და პულაგის მთა.

ფლორისა და ფაუნის მრავალფეროვნების გამო ფილიპინებში მსოფლიოს ყველა კუთხიდან ჩადიან მკვლევრები. მკვლევარ-მეცნიერთათვის ყველაზე პოპულარული ადგილებია: კუნძული სიბუიანი, დინაგატის კუნძულები, ჰამიგუიტანის მთა, ტუბატაჰის რიფი, ჩრდილოეთ სიერა მადრეს ეროვნული პარკი და კუთა კუნძულები. ადგილობრივი და უცხოელი არქეოლოგებისა და ანთროპოლოგებისათვის საინტერესო ადგილებია: კაგაიანის ხეობა, ბუტუანი, ტაბონის გამოქვაბულები, იფუგაო, ბანტონი და სხვა. ქვეყანაში არაერთი უნივერსიტეტია, მათ შორის: ფილიპინების უნივერსიტეტი, ფილიპინების კათოლიკური უნივერსიტეტი, მინდანაოს უნივერსიტეტი და სხვა. საგანმანათლებლო ტურიზსტული მიზნებით ძირითადად ინდოეთიდან, სამხრეთ კორეიდან და პალაუდან ჩამოდიან.

უკანასკნელ ათ წელიწადში მთელი ქვეყნის მასშტაბით მუზეუმების, გალერეების, გამოფენების, ფესტივალებისა და ბაზრობების რაოდენობა გაორმაგდა. ხელოვნებისა და ხელობის ცენტრებია მანილა, სან ფერნანდო, სანტიაგო, დავაო, დუმაგუეტე.

ფილიპინები აზიაში კათოლიკური რელიგიის პილიგრიმობის ცენტრია. ქვეყანაში ასობით ძველი ეკლესიაა, რომელთა დიდი ნაწილიც XV-XIX საუკუნეებში დაარსდა. ქვეყნის მასშტაბით მეჩეთები, ტაძრები და ადგილობრივი საკრძალავები (დამბანა) არის წარმოდგენილი. პილიგრიმულ ცენტრებს შორის აღსანიშნავია: პაოაის ეკლესია, მანილას საკათედრო ტაძარი, მარაგონდონის ეკლესია, ბაკლაიონის ეკლესია, პანაის ეკლესია, ტაალის ბაზილიკა, კალატუნგანის მთა, პინატუბოს მთა, კიტანგლადის მთა, შეიხ კარიმოლ მახდუმის მეჩეთი.

Rank	Country	2018 (Sep)[7]	2017[8]	2016[9]	2015[10]	2014[11]	2013[12]	2012[13]	2011[14]
1	სამხრეთ კორეა	1,178,778	1,607,821	1,475,081	1,339,678	1,175,472	1,165,789	1,031,155	925,204
2	ჩინეთი	972,550	968,447	675,663	490,841	394,951	426,352	250,883	243,137
3	აშშ	774,657	957,813	869,463	779,217	722,750	674,564	652,626	624,527
4	იაპონია	485,121	584,180	535,238	495,662	463,744	433,705	412,474	375,496
5	ავსტრალია	199,201	259,433	251,098	241,187	224,784	213,023	191,150	170,736
6	ტაივანი	185,278	236,777	229,303	177,670	142,973	139,099	216,511	181,738
7	კანადა	162,658	200,640	175,631	153,363	143,899	131,381	123,699	117,423
8	გაერთიანებული სამეფო	148,301	182,708	173,229	154,189	133,665	122,759	113,282	104,466
9	სინგაპური	130,674	168,637	176,057	181,176	179,099	175,034	148,215	137,802
10	მალაიზია	109,486	143,566	139,133	155,814	139,245	109,437	114,513	91,752
11	ჰონგ-კონგი	94,356	111,135	116,328	122,180	114,100	126,008	118,666	112,106
12	ინდოეთი	92,589	107,278	90,816	74,824	61,152	52,206	46,395	42,844
13	გერმანია	65,743	85,431	86,363	75,348	72,801	70,949	67,023	61,193
14	ინდონეზია	58,011	62,923	44,348	48,178	46,757	45,582	36,627	34,542
15	საფრანგეთი	57,397	64,777	55,384	45,505	38,946	39,042	33,709	29,591
16	ტაილანდი	45,631	48,727	47,913	44,038	45,943	47,874	40,987	37,862
17	ვიეტნამი	40,031	39,951	33,895	31,579	29,800	26,599	20,817	17,781
18	საუდის არაბეთი	37,872	54,716	56,081	50,884	43,483	38,969	30,040	27,945
19	ესპანეთი	32,312	36,954	32,097	24,144	19,353	17,126	15,895	14,648
20	გუამი	25,648	36,637	38,777	35,262	38,016	42,204	42,695	41,013
21	ნიდერლანდები	26,341	33,821	31,876	28,632	25,236	22,595	22,195	21,029
22	იტალია	25,586	30,437	25,945	21,620	19,865	17,668	16,740	15,798
23	შვეიცარია	22,653	29,837	29,420	27,200	25,548	24,907	23,557	22,335
24	ახალი ზელანდია	23,312	28,983	23,431	20,579	17,704	15,783	14,100	12,782
25	რუსეთი	20,721	33,279	28,210	25,278	32,087	35,404	28,270	20,185
—	ყველა ქვეყანა	5,362,533	6,620,908	5,967,005	5,360,682	4,833,368	4,681,307	4,272,811	3,917,454

წელი	ჩამომსვლელები	ზრდა
1996	1,049,367
1997	1,222,523	16.5%
1998	1,149,357	6.0%
1999	1,170,514	1.8%
2000	1,992,169	70.2%
2001	1,796,893	9.8%
2002	1,932,677	7.6%
2003	1,907,226	1.3%
2004	2,291,347	20.1%
2005	2,623,084	14.5%
2006	2,843,335	8.4%
2007	3,091,993	8.8%
2008	3,139,422	1.5%
2009	3,017,099	3.9%
2010	3,520,471	16.7%
2011	3,917,454	11.3%
2012	4,272,811	9.1%
2013	4,681,307	9.6%
2014	4,833,368	3.3%
2015	5,360,682	10.9%
2016	5,967,005	11.3%
2017	6,620,908	11.0%
იანვ.-სექტ. 2018	5,362,533[7]

• Philippines, ტურისტული მეგზური ვიკივოიაჟზე
• Department of Tourism Philippines დაარქივებული 2018-04-03 საიტზე Wayback Machine.
• It's More Fun in the Philippines (Official Tourism Website)