Polonia competiu por vez primeira no Festival de Eurovisión na edición de 1994 logo de se ingresar a Telewizja Polska na Unión Europea de Radiodifusión o ano anterior. Así e todo o concurso xa se emitía no país desde había anos, aínda que por veces en diferido. Polonia estivo ausente nas edicións de 2012 e 2013 mais volveu de novo a participar na de 2014 en Copenhague.

En 1975 Polonia intentou participar no Festival coa canción "Mój, tylko mój” de Anna Jantar pero a UER non o autorizou^[1]. Así a primeira participante foi Edyta Górniak, e a súa canción foi tamén a de máis éxito para Polonia ata a data, ao conseguir 166 puntos e o segundo lugar. As intervencións polacas nos anos seguintes foron menos exitosas, quedando o país entre os postos 11º e 20º. Polonia non acudiu á edición de 2002. Para a edición de 2003 Polonia organizou pola primeira volta unha selección pública para elixir á súa representante, gañando o voto do público o grupo Ich Troje por diante de Blue Café, rematando 7º na final de Eurovisión. Blue Café pola súa banda o ano seguinte gañou a competición de selección para acceder á edición de 2004 quedando en 17º lugar. Nos anos seguintes Polonia só se clasificou para a final nas edicións de 2008, con Isis Gee) que quedou no posto 24º, e en 2014.

No ano 2005 a TVP realizou unha selección interna para escoller o seu representante, resultando elixida a canción "czarna dziewczyna", interpretada en polaco e ruso, pero non chegou á final quedando 11ª na semifinal. Para a edición de 2006 volveuse de novo ao voto do público, resultando elixido de novo o grupo Ich Troje que tampouco foi quen de chegar á final. Na edición de 2007 The Jet Set quedou 14º na semifinal.

Polonia non cometiu na edición de 2012 argumentando a radiotelevisión pública que xa tiña que organizar, con Ucraína, a Eurocopa de Fútbol^[2] como tampouco o fixo na de 2013^[3].

Deica 2014 o historial de votacións polaco é o seguinte:

Puntos dados por Polonia (só nas finais)
Posto	País	Puntos
1	Ucraína	82
2	Noruega	61
3	Suecia	54
4	Alemaña	53
5	Estonia	45

Puntos recibidos por Polonia (só finais)
Rank	Country	Points
1	Alemaña	56
2	Austria	34
3	Francia	27
4	Lituania	26
5	Bosnia e Hercegovina	25

Puntos dados nas semifinais e finais
Rank	Country	Points
1	Ucraína	90
2	Noruega	81
3	Rusia	60
4	Acerbaixán	59
5	Estonia	58

Puntos recibidos nas semifinais e finais
Rank	Country	Points
1	Alemaña	77
2	Irlanda	56
3	Austria	43
	Lituania	43
5	Ucraína	42

Anos	Dados a		Recibidos de
	Final	Semifinal	Final	Semifinal
1994	Hungría	Non houbo semifinal	Austria Estonia Francia Lituania Reino Unido	Non houbo semifinal
1995	Noruega		Ningún
1996	Irlanda	Descoñecido1	Ningún	Descoñecido1
1997	Francia	Non houbo semifinais	Ningún	Non houbo semifinais
1998	Bélxica		Ningún
1999	Alemaña		Ningún
2000	Non participou		Non participou
2001	Estonia		Ningún
2002	Non participou		Non participou
2003	Bélxica		Alemaña
2004	Ucraína	Non se transmitiu	Ningún	Non participou
2005	Ucraína	Hungría	Non se cualificou	Ningún
2006	Finlandia	Finlandia	Non se cualificou	Ningún
2007	Ucraína	Letonia	Non se cualificou	Ningún
2008	Armenia	Armenia	Ningún	Irlanda
2009	Noruega	Acerbaixán	Non se cualificou	Ningún
2010	Dinamarca	Bélxica	Non se cualificou	Ningún
2011	Lituania	Lituania	Non se cualificou	Ningún
2012	Non participou
2013
2014	Países Baixos	Suíza	Ningún	Alemaña

¹ Non se coñece o voto para a rolda de precualificación de 1996.