Festival de Eurovisión 1957
Datas
Final	3 de marzo
Anfitrión
Lugar	Frankfurt, Alemaña
Presentador(es)	Anaid Iplicjian
Televisión anfitrioa	HR /
Participantes
Participantes	10
Países que debutan	Austria Dinamarca Reino Unido [1]
Mapa      Países participantes
Votacións
Canción gañadora	Net als toen, Corry Brokken Países Baixos
Festival de Eurovisión
◄1956 1958►

O II Festival da Canción de Eurovisión tivo lugar o 3 de marzo de 1957 en Frankfurt, Alemaña. A presentadora foi Anaid Iplicjian e a vitoria foi para Corry Brokken co tema "Net Als Toen".

A segunda edición deste programa foi principalmente radiofónica, pero incrementouse considerablemente o número de espectadores a través da televisión. Aínda que Suíza gañara a primeira edición de 1956, non foi a organizadora do festival xa que non se creou aínda a norma pola que o país vencedor debía facerse cargo da organización ao ano seguinte. Nun principio considerouse a posibilidade de que cada país fixésese cargo do festival de modo rotativo, pero debido ao incremento dos países participantes, observouse que isto sería imposible.

No festival deste ano, observouse que existía unha gran disparidade na duración das cancións participantes (o tema italiano duraba 5:09 minutos, mentres que o británico só 1:52 minutos). Había un límite recomendado de 3:30 por canción pero non era aínda vinculante.

En 1957 foi a primeira vez na que o proceso de votación foi público, o que hoxe é unha das principais características do Festival de Eurovisión. Ademais, foi a primeira edición na que se contactou cos xurados por teléfono.^[1]

Neste ano impúxose unha norma pola cal unicamente solistas ou dúos poderían concorrer ao festival, norma que, con modificacións, permanecería vixente ata 1970.^[1]

Birthe Wilke e Gustav Winckler, representantes daneses, bicáronse ao final da súa actuación, aínda que só os posuidores de televisión puideron ser testemuñas diso.^[2] Destacan tamén as participacións de Suíza, que volvía estar representada, por segunda vez consecutiva, por Lys Assia, aínda que nesta ocasión non tería tanta sorte como no festival do ano anterior e acabaría penúltima; e a representación dos Países Baixos por parte de Corry Brokken, que supoñería a súa segunda participación no Festival, foi a que finalmente se alzou coa vitoria.

Nesta edición foi cando se escoitou por primeira vez o castelán no festival, catro anos antes da entrada de España na competición. A canción alemá, Telefon, Telefon, de Margot Hielscher, incluía frases en varios idiomas, un deles o español.^[1]

País e TV	Título orixinal da canción	Artista	Proceso e data de selección
	Tradución ao galego	Linguas de interpretación
Alemaña ARD	"Telefon, Telefon"	Margot Hielscher	Final nacional, 17-02-57
	Teléfono, teléfono	Alemán, con frases en francés, inglés, italiano e español
Austria ORF	"Wohin, kleines Pony?"	Bob Martin	Elección interna
	Onde, pequeno poni?	Alemán
Bélxica NIR	"Straatdeuntje"	Bobbejaan Schoepen	De T.V. Maakt Muziek
	Melodía de rúa	Neerlandés
Dinamarca DSR	"Skibet skal sejle i nat"	Birthe Wilke & Gustav Winckler	Dansk Melodi Grand Prix, 17-02-57
	O barco irase esta noite	Dinamarqués
Francia RTF	"La belle amour"	Paule Desjardins	Elección interna
	O belo amor	Francés
Italia RAI	"Corde della mia chitarra"	Nunzio Gallo	Festival de San Remo, 09-02-57
	Cordas da miña guitarra	Italiano
Luxemburgo CLT	"Amours mortes"	Danièle Dupré	Elección interna
	Amores mortos	Francés
Países Baixos NTS	"Net als toen"	Corry Brokken	Nationaal Song Festival 1957, 03-02-57
	Xusto como entón	Neerlandés
Reino Unido BBC	"All"	Patricia Bredin	A Song for Europe, 12-02-57
	Todo	Inglés
Suíza SSR SRG	"L'enfant que j'étais"	Lys Assia	Final nacional, 11-02-57
	A nena que eu era.	Francés

#	País	Artista(s)	Canción	Posición	Puntos
1	Bélxica	Bobbejaan Schoepen	Straatdeuntje	8	5
2	Luxemburgo	Danièle Dupré	Amours mortes	4	8
3	Reino Unido	Patricia Bredin [3]	All	7	6
4	Italia	Nunzio Gallo	Corde della mia chitarra	6	7
5	Austria	Bob Martin	Wohin, kleines Pony?	10	3
6	Países Baixos	Corry Brokken	Net als toen.	1	31
7	Alemaña	Margot Hielscher	Telefon, Telefon	4	8
8	Francia	Paule Desjardins	La belle amour	2	17
9	Dinamarca	Birthe Wilke & Gustav Winckler	Skibet skal sejle i nat	3	10
10	Suíza	Lys Assia	L'enfant que j'étais	8	5

		Xurados [4]
		Total
	Bélxica	5		0	0	0	0	0	2	0	2	1
	Luxemburgo	8	0		1	4	3	0	0	0	0	0
	Reino Unido	6	1	1		0	1	1	0	0	0	2
	Italia	7	1	1	2		0	2	0	0	1	0
	Austria	3	0	0	2	0		1	0	0	0	0
	Países Baixos	31	5	3	1	1	6		1	4	3	7
	Alemaña	8	1	0	0	1	0	0		6	0	0
	Francia	17	2	4	2	0	0	1	6		2	0
	Dinamarca	10	0	0	2	3	0	5	0	0		0
	Suíza	5	0	1	0	1	0	0	1	0	2
A táboa está ordenada por orde de aparición.

• Frankfurt
• ARD
• Festival da Canción de Eurovisión

• Festival de Eurovisión 1957 en YouTube.

Predecesor: Lugano 1956

Festival da Canción de Eurovisión Fráncfort 1957

Sucesor: Hilversum 1958