Sohüta
Zuberoa, Euskal Herria
Sohütako eliza
Armarria
Kokapena
Herrialdea	Euskal Herria
Lurraldea	Zuberoa
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Oloroe-Donamaria
Kantonamendua	Euskal Mendialdea
Izen ofiziala	Chéraute
Auzapeza	Maite Letxauregi (2020-2026)
Posta kodea	64130
INSEE kodea	64188
Herritarra	sohütar
Ezizena	jente herrestak, serora bühürtiak eta jente bankarrotak
Geografia
Azalera	35.26
Garaiera	127 – 558
Demografia
Biztanleria	1.085 (2018:  −9)
Dentsitatea	31,2 biztanle/km²
Zahartzea[1]	% 26,35
Ugalkortasuna[1]	‰ 76,16
Ekonomia
Jarduera[1]	% 68,99 (2011)
Desberdintasuna[1]	% -2,07 (2011)
Langabezia[1]	% 2,69 (2013)
Euskara
Euskaldunak	% 50,54 (2010)
Erabilera	% 18,58 (2011)
Datu gehigarriak
Webgunea	http://www.cheraute.fr/

Sohüta ([s̺ohyta]) Zuberoako iparraldeko udalerri bat da, Pettarra eskualdekoa. 2008an 1.161 biztanle izanik, Zuberoako bigarren udalerri populatuena da, Maule-Lextarreren ondoren.

Euskarazko izen zaharra Soroeta zen, hau da, «soroz beteriko lekua».

Frantsesezko Chéraute haren izenak^[2] itxura hauek izan ditu:

• Cheraltus (1224, Bartzelonako paperak^[3]),
• Xeraute (1383, Luntzen kontratuak^[4]),
• Xerauta (1496, Ohixen kontratuak^[5]),
• Sent-Barthelemi de Chéraute (1612, Oloroeko elizbarrutiaren paperak^[6]).

Okzitanieraz Sherauta du izena.

Haranbeltzeko basoko (Sohütako basoa ere deitua) zati bat udalerriko lurretan dago.

Udalerria honako errekek zeharkatua da:

• Auzet (Oloroeko uhaitzaren ibaiadarra) eta haren ibaiadarrak.
• Aiguette.
• Askania, eta haren ibaiadar Gaillan.
• Anbelseko erreka (Ibarleren ibaiadarra).

Sohütak mugakide ditu Mitikile-Larrori-Mendibile iparraldean; Mitikile-Larrori-Mendibile eta Ospitalepea, ipar-ekialdean; Barkoxe, ekialdean eta hego-ekialdean; Arrokiaga, hegoaldean; Maule-Lextarre, hego-mendebaldean; Bildoze-Onizepea, mendebaldean; eta Berrogaine-Larüntze, ipar-mendebaldean.

	Berrogaine-Larüntze	Mitikile-Larrori-Mendibile	Mitikile-Larrori-Mendibile eta Ospitalepea
	Bildoze-Onizepea		Barkoxe
		Sohüta
	Maule-Lextarre	Arrokiaga	Barkoxe

Sohüta Zuberoako bizkonderriaren meneko baroierria izan zen.^[2]

Udalerriko ekonomia laborantzan (abelazkuntza, belardiak) eta artisautzan (espartingintza) oinarrituta dago.

XIX. mendearen lehen erdialdean 1.500 biztanle izatera iritsi bazen ere, ondoren 1.100 biztanleren inguruan kokatu zen populazioaren tamaina, eta neurri horretan izan da XXI. mendea arte.

Sohütako biztanleria
Datuen iturburua: INSEE

Sohütak ikastola bat eta lizeo bat, "Pays de la Soule"^[9] izenekoa, ditu.

Zuberera bertako berezko euskalkia da, Pettarrako aldaera^[12][13] zehazki, eta gaur egun herrian ikastola eta bertso-eskola bana ditugu.

• Historiaurreko zenbait gotorleku daude udalerriko lurretan, Kastelgaina auzoan hain zuzen ere. 1983az geroztik, monumentu historiko izendaturik daude.
• Bela familiarena izan zen gaztelua, XVII. mendekoa.
• San Bartolome eliza Erdi Aroaren amaierakoa da, eta XIX. mendearen bukaeran handitu zuten. Kanpandorrea eta ataria berreraikiak izan ziren XX. mendearen hasieran.
• Lurdako Ama birjinaren kapera 1936an eraiki zen.

• 
  Sohütako garbitoki bat.
• 
  Hokiko kapera trinitarioa.
• 
  Sohütako ikuspegia, Mauleko gaztelutik.

• Julie Adrienne Karrikaburu (1827-1898), musikologoa, kantaria, kantu-biltzailea eta piano-jotzailea.
• Marzelin Hegiapal (1910-1996), pastoral-errejenta eta idazlea.
• Jon Mirande (1925-1972), idazlea.
• Maite Lephaille (1957-), kazetaria.

• Joseba Aurkenerena: Sohütako maskaradak eta bühamina paregabeak[1]

Euskarazko Wikipedian bada atari bat, gai hau duena: Euskal Herriko Wikiatlasa