Li havis tri filinojn, Maria Teresia, Maria Anna kaj Maria Amalie, sed lia sola filo mortis kiel infaneto.
Ĉar laŭ la tradicio de la Sankta Romia imperio virinoj ne povis heredi la regadon, li je la 19-a de aprilo1713 dekretis la Pragmatan Sankcion, laŭ kiu liaj filinoj ne nur ricevis la rajton heredi la regadon, sed eĉ la prioritaton al la filinoj de lia frato Jozefo.
La Sankcio krome fiksis, ke la habsburga regno ne estu dividita.
Karlo, kiu antaŭe estis reganto de la hispana parto de la habsburga regno, en Aŭstrio enkondukis la hispanan kortegan ceremoniaron kaj konstruigis la Hispanan Kortegan Rajdlernejon.
Li alkonstruigis al la kastelo Hofburgo en Vieno la Mikaelanan Alon, en kiu troviĝis ĝis 2005 la Internacia Esperanto-Muzeo.
1711 li estis elektita je imperiestro romia kiel Karlo la 6-a.
1712 li alveturis Vienon kaj li ekregis en la monarĥio.
1712 Kroatio proklamis mem pragmatan sankcion ankoraŭ pli baldaŭ, antaŭ ol proklamis ĝin la imperiestro, ĉar ĝi volis defendi la memstarecon enkadre de la hungara reĝlando.
1713 en Bohemio eksplodis pest-epidemio. La pesto trapenetris tra Rusio, Malgranda Azio, Hungarujo, Stirio kaj ĝi alpenetris ĝis Bohemio. Tio estis la lasta pest-bato en Bohemio. En Bohemio mortis pro ĝi 100 000 homojn kaj preskaŭ 2 milionojn da pecoj de brutaro.
la 19-an de aprilo de 1713 imperiestro Karlo proklamis la pragmatan sankcion, kiu destinis heredecon de la habsburga krono en la virina linio kun tio, ke unualoke estas liaj filinoj, poste la filinoj de Jozefo la 1-a kaj nur fine la filinoj de Leopoldo la 1-a.
1717 en Prago estis fondita Ĉeĥa nobelara inĝeniera lernejo.
1717 Karlo renovigis persekutado de nekatolikoj en la monarĥio.
la 14-an de majo de 1718 naskiĝo de filino Mario Anno (edzo Karlo Lotrina).
1718 princo Eŭgeno Savoja, kiu fariĝis la imperiestra armeestro, konkeris la t.n. Banaton (la lasta parto de Hungarujo en potenco de turkoj) kaj plu ankaŭ partojn de Serbio kaj Rumanio.
1719 en Bohemio komencis aperi la unuaj periodaj ĵurnaloj, Sabata Praga poŝta ĵurnalo eldonita de F. K. Rosenmüller.
la 16-an de oktobro de 1720 la ĉeĥa koncilio akceptis la pragmatan sankcion, je unu tago pli malfrue poste la koncilio moravia kaj je naŭ tagoj ankaŭ la koncilio silezia.
1722 la pragmatan sankcion akceptis ankaŭ la hungara nobelaro.
1732 movado de nekatolikoj en regiono de Opočno estis sange subpremita.
1734 Karlo vizitis duanfojon Bohemion, kiam li akompanis sian edzinon al kuracado en Karlovy Vary.
1735 Karlo la 2-a intermiksiĝis en bataloj je pola krono. Li subtenis kandidatecon de Augusto la 3-a Saksia. Tiu ja venkis, sed Karlo pro tio perdis Napolon kaj Sicilion (li interŝanĝis ĝin en 1720 kontraŭ Sardio).
la 20-an de oktobro de 1740 Karlo Habsburga mortis kaj pro tio formortis la vira linio de la Habsburgoj, t.e. la hereda linio sole difinita tra la patro, ne tra la patrino
_-_Portr%C3%A4t_Kaiser_Karl_VI.jpg)
