За час акупацыі практычна ўсе яўрэі Нараўлянскага раёна былі забітыя, а нешматлікія ацалелыя ў большасці ваявалі пасля ў партызанскіх атрадах^[1].

Масавыя забойствы прадстаўнікоў народа адбываліся ў Нароўлі, вёсках Ліхаўня^[2], Даўляды^[3] і іншых.

Рэалізуючы нацысцкую праграму знішчэння яўрэяў, немцы стварылі на тэрыторыі раёна адно гета — у Нароўлі, куды сагналі і яўрэяў з блізкіх вёсак^[4].

Да вайны ў паселішчы жылі 1167 яўрэяў — 29,8% насельніцтва^[5][6][7]. Большасць з іх эвакуіравалася або былі мабілізаваны (мужчыны), але частка засталася пад акупацыяй^[8].

Неўзабаве пасля прыходу немцаў яўрэяў пад страхам смерці прымусілі нашыць на верхнюю вопратку жоўтыя латы. У іх адабралі ўсе харчы, збівалі і ўсяляк над здзекаваліся^[9][10]. Гета ў Нароўлі было створана ў пачатку верасня 1941 года, было абгароджана калючым дротам і ахоўвалася^[1][7].

23 лістапада ўвечары каля 100 яўрэяў разам з дзецьмі вывелі на яўрэйскія могілкі і расстралялі^{[11][10][7][12]}. Пакінутых забілі ў пачатку 1942 года. Усяго ў пасёлку загінулі каля 130 яўрэяў^[7].

Толькі праз гады пасля вайны выжылыя нараўлянскія яўрэі сабралі грошы, і змаглі на могілках, побач з ракой Прыпяць, усталяваць помнік забітым родным^[4][13][14].

• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.
• Г. К. Кiсялёў, А. Л. Петрашкевiч, I. А. Процкiн i iнш. (рэдкал.); П. П. Рабянок, К. Ф. Ярмоленка (уклад.). «Памяць. Нараўлянскi раён». Гісторыка-дакументальная хроніка гарадоў і раѐнаў Беларусі.. — Мн.: «БЕЛТА», 1998. — 448 с. — ISBN 985-6302-08-0.
• В. Гехтман. «Долина исчезнувших общин». — Хайфа: «Пеледфус Хайфа Ltd», 2004.