«Seven Years in Tibet» er ein song og singel av David Bowie og Reeves Gabrels frå 1997 på albumet Earthling. I somme land vart det gjeve ut ein versjon sungen av Bowie på mandarin-kinesisk.

«Seven Years in Tibet» vart spelt inn mellom august og november 1996 under innspelinga for Earthling-innspelinga.^[1] Han byrja som ein Reeves Gabrels-instrumental kalla «Brussels», som Bowie ikkje likte særskild mykje, men etter kvart overtydde Gabrels Bowie om å halde på han.^[1] Arbeidstittelen til songen var «Biscuit Lady» og opningslinjene var frå ein falsk Internett-artikkel om ei kvinne som vart skadd av ein kjeksboks som eksploderte og trudde at bitar av kjeksdeigen som landa på hovudet hennar var hjernen hennar som rann ut av hovudet.^[1] til slutt vart songen om ein «ung tibetansk munk som nettopp var blitt skoten» etter at Bowie leste somme av foredraga til Dalai Lama.^[1] Bowie valde namnet på songen etter å ha lese boka Seven Years in Tibet (1952), og sjølv om ein film med same namn som òg var baser tpå boka kom ut i 1997, hadde denne ingen samband med songen til Bowie.^[2] Bowie spelte inn ein versjon av songen sungen på mandarin-kinesisk, med tekst omsett av Lin Xi og gjeve ut under namnet «A Fleeting Moment» i somme område.^[2]

Bowie framførte songen på konserten i høve 50-årsdagen hans i januar 1997 i lag med Dave Grohl rå Foo Fighters.^[2] Bowie spelte òg songen på GQ Awards i New York City den 15. oktober 1997, ei utgåve som sidan kom ut på konsertalbumet LiveAndWell.com i 2000.^[2]

«Mandarin-versjonen» kom ut på bonusplata til Digibook Expanded Edition av Earthling i 2004. I Hong Kong kom han òg ut på ei eiga bonusplate som følgde Earthling i 1997.

«Seven Years in Tibet» nådde 61. plassen i Storbritannia,^[3] og var den siste songen som gjekk til topps i Hong Kong før Kina tok over byen i juni 1997.^[2]

All tekst skriven av David Bowie, utanom «Seven Years in Tibet (Mandarin versjon)» av Lin Xi.
All musikk av David Bowie og Reeves Gabrels, utanom «Pallas Athena (live)» av David Bowie.

1. «Seven Years in Tibet (edit)» – 4:01
2. «Seven Years in Tibet (Mandarin version)» – 3:58

1. «Seven Years in Tibet (edit)» – 4:01
2. «Seven Years in Tibet (Mandarin version)» – 3:58
3. «Pallas Athena (live)» – 8:18

• Òg tilgjengeleg som avgrensa digipak (RCA / 74321 51254 2)

• Produsentar:
  • David Bowie
  • Mark Plati (medprodusent)
  • Reeves Gabrels (medprodusent)
• Musikarar:
  • David Bowie – vokal, gitar, saksofon, samplingar, klaverinstrument
  • Reeves Gabrels – programmering, synthesizer, real and sampla gitarar, vokal
  • Mark Plati – programmering, [[musikksløyfe|bandsløyfer, samplingar, klaverinstrument
  • Gail Ann Dorsey – bassgitar, vokal
  • Zachary Alford – trommesløyfer, akustisk trommer, elektronisk perkusjon
  • Mike Garson – klaverinstrument, piano