«Miracle Goodnight» er ein song av den engelske musikaren David Bowie frå albumet Black Tie White Noise frå 1993, og var den tredje singelen frå albumet. Singelen kom ut i oktober 1993.

Medan dei to førre singlane frå albumet, «Jump They Say» og «Black Tie White Noise», dekte tema som psykisk helse og juridisk urettferd, omhandla «Miracle Goodnight» eit av dei andre emna som gjekk att på albumet: kjærleiken Bowie hadde for den nye kona si Iman Abdulmajid. Han erklærte heile albumet ei «bryllaupsgåve» for Iman.^[1]

Det vart laga ein video til songen regissert av Matthew Rolston med Bowie som er urørt av eit harem av vakre kvinner medan han syng til kamera, i tillegg til scener av han i eit hoffnarrkostyme, der han leikar med speglar, utkledd som ein pantomimikar. Ein kan òg sjå eit kort glimt av motestilen hans som The Thin White Duke frå 1976. «Miracle Goodnight» hadde den same, store mengda med remiksar som dei andre singlane hadde hatt og nådde 40. plassen på singellista i Storbritannia.

Alan Jones frå Music Week skreiv «Dette er ein av dei meir attraktive songane på Black Tie White Noise, ein uvanleg og intim affære med glimt av den gamle Bowie i mot-harmoniane.»^[2]

Alle songar av Bowie

1. «Miracle Goodnight» – 4:14
2. «Looking for Lester» – 5:36

1. «Miracle Goodnight» (Blunted 2) – 8:12
2. «Miracle Goodnight» (Make Believe Mix) – 4:14
3. «Miracle Goodnight» (2 Chord Philly Mix) – 6:22
4. «Miracle Goodnight» (Dance Dub) – 7:50

1. «Miracle Goodnight» – 4:14
2. «Miracle Goodnight» (2 Chord Philly Mix) – 6:22
3. «Miracle Goodnight» (Masereti Blunted Dub) – 7:40
4. «Looking for Lester» – 5:36

1. «Miracle Goodnight» – 4:15
2. «Miracle Goodnight» (2 Chord Philly Mix) – 6:25
3. «Miracle Goodnight» (Masereti Blunted Dub) – 7:43
4. «Miracle Goodnight» (Make Believe Mix) – 4:30

Produsentar

• Nile Rodgers

Remix-produsent

• Tony Maserati og Robert Holms for Two Chord Music

Musikarar

• David Bowie – vokal, saksofon på «Looking for Lester»
• Nile Rodgers – gitar
• Barry Campbell – bass
• Sterling Campbell – trommer
• Richard Hilton – klaverinstrument
• Lester Bowie – trompet
• Mike Garson – piano på «Looking for Lester»

• «Make Believe Mix» av songen vart gjeven ut på bonusplata som følgde 2003-utgåva av Black Tie White Noise. Det var første gongen denne miksen var tilgjengeleg på CD.

• Heile songteksten på MetroLyrics