Kfar Uria (hebraisk כְּפַר אוּרִיָּה) er ein moshav sentralt i Israel. Han ligg nær Beit Shemesh i Shephelah. Han høyrer til Mateh Yehuda regionale kommune. I 2012 hadde han eit folketal på 855.[1]
Historie
Landsbyen vart først grunnlagd i 1912 på landområde kjøpt frå Białystok-jødar, og tente som ein jordbruksskule. Blant innbyggjarane var A.D. Gordon. Under Palestinaopprøra i 1929 gjekk arabarar frå Jerusalem til åtak på Kfar Uria, med noko lokal hjelp, og plyndra og brende ned landsbyen. Innbyggjarane i dei nærliggande arabiske landsbyane hadde stort sett eit godt forhold til innbyggjarane i landsbyen, og mange såg på leiaren av moshaven, Baruch Yakimovsky, som sin mukhtar (landsbyhøvding).
Seks jødiske familiar som hadde vore att, vart seinare smugla ut av mukhtaren i Beit Far via ein av dei gamle naturlege grottene som ligg i området. Yakimovsky klarte, med hjelp av somme lokale mukhtarar, å arbeidde opp att landområdet i Kfar Uria, og i 1944 var landsbyen bygd opp att, berre for å bli øydelagd i den arabisk-israelske krigen i 1948.[treng kjelde] Kfar Uria vart angripen 11. januar, 1948, men klarte ved hjelp av ein Palmach-styrke og ein væpna britisk styrke å slå åtaket attende.[2][3] Haganah-vaktar drap utan provokasjon eit arabisk bondepar nær landsbyen kort tid etter, i februar det året.[4] I 1949 prøvde ein for tredje gongen å busetje område, då ein moshav vart grunnlagd på staden.
I sentrum av landsbyen ligg ein gammal khan, som ein gong husa jordbrukselevane, inkludert A.D. Gordon.
I 2009 - 2011 vart det bygd eit nytt nabolag med 69 nye hus og familiar.[treng kjelde]
Kjelder
- Denne artikkelen bygger på «Kfar Uria» frå Wikipedia på engelsk, den 12. oktober 2014.
- Benvenisti, Meron, Maxine Kaufman-Lacusta (translator) (2001), Sacred Landscape: The Buried Historie of the Holy Land Since 1948, ISBN 0-520-23422-7
- Khalidi, Walid (1992), All That Remains, Washington D.C.: Institute for Palestine Studies, ISBN 0-88728-224-5
- Morris, Benny (2004). The Birth of the palestinsk Refugee Problem Revisited. Cambridge University Press. ISBN 0-521-00967-7.
- Morris, Benny (2008), 1948: A History of the First Arabic Israeli War, Yale University Press
Bakgrunnsstoff
