O Edificio Central de Correos é un edificio situado no barrio da Pescaría da cidade da Coruña.[1] É a sede principal de Correos na cidade.
Historia
Torre do reloxo
En 1908, o goberno estableceu mediante unha Real Orde a necesidade de construción de novas casas de Correos en diversas cidades, aínda que o proceso se demorou varias décadas.[2] No prego de condicións non se indicaba un estilo, mais si que tiña que estar situado nunha zona céntrica.
O edificio, racionalista[2] con características art déco, emprega un estilo que supón unha aposta da empresa pola modernidade.[1]
Dispón de baixo, dúas plantas e ático. Ao ser un edificio exento cada unha das fachadas ten unha función diferente. Os dous patios cadrados permiten a entrada de luz no vestíbulo de atención ao público.[1]
A torre do reloxo evoca a arquitectura nórdica, como a estación de Helsinki, de Eliel Saarinen.[1]
