Aingira
Anguilla
Ereserkia: God Save the King
Goiburua: Strength and Endurance (Indarra eta gogortasuna)
Aingirako bandera Aingirako armarria
Geografia
Hiriburua	The Valley 18°13′12″N 63°3′0″W
Hiririk handiena	hiriburu
Azalera	102 (220.)
Kontinentea	Ipar Amerika
Mugakideak	baliorik ez
Administrazioa
Gobernu-sistema	Monarkia konstituzionala
Erregea	Karlos III.a
Legebiltzarra	Aingirako Biltzarra
Zeren kide	ikusi Caribbean Development Bank (en) Caribbean Disaster Emergency Management Agency (en) UNESCO
Demografia
Biztanleria	19.079
Dentsitatea	209,66 bizt/km²
Hizkuntza ofizialak	ikusi ingeles
Erabilitako hizkuntzak	ikusi Leeward Caribbean Creole (en) eta ingeles
Ekonomia
Bestelako informazioa
Aurrezenbakia	+1264
ISO 3166-1 alpha-2	AI
ISO 3166-1 alpha-3	AIA
Ordu eremua	ikusi UTC−04:00
Elektrizitatea	110 V. 60 Hz.NEMA 1-15 (en)
Internet domeinua	.ai

Aingira^[1] (ingelesez: Anguilla) Karibe itsasoan dagoen Erresuma Batuko itsasoz bestaldeko lurraldea da, Antilla Txikietan kokaturik. Uhartedikoak dira, Aingira uhartea ez ezik, gertuko zenbait uhartetxo ere, eta mugakide ditu Saint Martingo uhartea hego-ekialdean eta Birjina uharte britainiarrak mendebaldean.

Hiriburua The Valley da.

Aingira 1650ean Saint Kitts eta Nevistik etorritako ingelesek kolonizatuta izan zen. Erresuma Batuak 1825 arte zuzenki administratu zuen baina gero Saint Kitts eta Nevisi lotu zion.

1967eko uztailaren 11n autonomiari buruzko erreferendum baten bitartez, abertzaleek (1.813 alde 5 kontra) independentzia aldarrikatu zuten. Hori zela eta, 1969eko martxoaren 19tik irailaren 15 britainiar armadak uhartedia okupatu zuen. Azkenean 1971ean, Anguilla bill zeritzon legeari esker, Uharteko Biltzarra sortu zen, 1976an autonomia lortu eta 1980an Saint Kitts eta Nevistik banandu.

1992an CARICOMgo kide bihurtu zen.

Aingirak bere Konstituzio propioa du 1982ko apirilaren 1etik, 1990an berretsia.

Estatuburua Elisabet II.a erregina da eta uhartedian bere ordezkaria Alan Huckle. Uharteko Biltzarrak Lehen Ministroa hautatzen du, gaur egun Osbourne Fleming.

Aingirako alderdi politiko nagusiak hauek dira:

• Anguilla National Front (ANF)
  • Anguilla National Alliance (ANA)
  • Anguilla Democratic Party (ADP)
• Anguilla United Movement (AUM)
• Anguilla Strategic Alliance (ANSA)
• Anguilla Progressive Party (APP)

Aingirak ez du banaketa administratiborik, uharteak dira banaketa bakarra:

• Aingira uhartea
• Anguillita
• Dog uhartea
• Little Scrub uhartea
• Prickly Pear Cayr
• Little uhartea
• Scrub uhartea
• Seal uhartea
• Sombrero

Uhartedia Karibe itsasoan dago, Antilla Txikietan; Biztanleak duen uharte bakarra Aingira uhartea da, besteak hutsik daude.

Lurraldea laua da oso eta klima azpitropikala du (batez besteko tenperatura 27 °Ckoa da).

Aingirako biztanleriaren gehiena protestantea da (gehienak anglikanoak eta metodistak) baina badago gutxiengo katolikoa ere.

Etnikoki Afrikatik ekarritako eskalbu negroideen ondorengoak dira, baina badaude gutxiengo mestizo eta kaukasoarra ere.

• (Ingelesez) Aingirako gobernuaren webgune ofiziala

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Aingira · Bermuda · Birjina uharte britainiarrak · Kaiman uharteak · Montserrat · Turkak eta Caicoak (Erresuma Batua) • Puerto Rico · Birjina Uharte Estatubatuarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela Dependentziak: Guyana Frantsesa (Frantzia) • Falklandak (Erresuma Batua)