Partoprenis 80 nacioj, kio signifas rekordon en la historio de la Olimpikoj. Okazis 84 konkursoj en 7 sportoj kaj 15 fakoj. El la 2633 partoprenantoj 1006 estis virinoj kaj 1627 viroj.
La olimpikan ĵuron elparolis Giorgio ROCCA por la sportistoj kaj Fabio BIANCHETTI por la juĝistoj. La olimpikan fajron al la malferma ceremonio en la komplete renovigita Olimpia stadiono de Torino alportis Stefania Belmondo, kiu, kiel eksa olimpika medalulo, havis sufiĉe fortan spiron por kure atingi la 57 metrojn altan torĉon, la plej altan en la olimpika historio.
