Organización de les Naciones Xuníes
United Nations (en) 联合国 (zh) Organización de las Naciones Unidas (es) Организация Объединённых Наций (ru) منظمة الأمم المتحدة (ar) Organisation des Nations unies (fr)
organismu internacional y organización internacional
Llocalización
Sede	Nueva York
Direición	Estaos Xuníos
Forma xurídica	organismu internacional
Historia
Fundación	1945
Fundador	Xunión Soviética Estaos Xuníos República de China República Socialista Soviética d'Ucraína República Socialista Soviética de Bielorrusia Reinu Xuníu Francia Etiopía India Canadá Yugoslavia Checoslovaquia Australia Nueva Zelanda Países Baxos Dinamarca Luxemburgu Bélxica Polonia Noruega Grecia Arabia Saudita Exiptu Iraq Siria El Líbanu Turquía Irán Arxentina Bolivia Brasil Chile Colombia Costa Rica Cuba República Dominicana Ecuador El Salvador Guatemala Haití Hondures Liberia Méxicu Nicaragua Panamá Paraguái Perú Filipines Sudáfrica Uruguái Venezuela
Organigrama
Presidente	António Guterres
Participación empresarial
Filiales	ver Conseyu de Seguridá de les Naciones Xuníes Organización Mundial de la Propiedá Intelectual Instituto de Investigación de las Naciones Unidas para el Desarrollo Social (es) Asamblea Xeneral de les Naciones Xuníes Fondu Monetariu Internacional Conseyu Económicu y Social de les Naciones Xuníes Secretaría Xeneral de Naciones Xuníes Corte Internacional de Xusticia Consejo de Administración Fiduciaria de las Naciones Unidas (es) Programa Mundial de Alimentos (es) Administración Postal de las Naciones Unidas (es) UNESCO Organización de les Naciones Xuníes pa l'Alimentación y l'Agricultura Organización de les Naciones Xuníes pal Desenvolvimientu Industrial Unicef Programa de las Naciones Unidas para el Medio Ambiente (es) Organización Mundial de la Salú Alto Comisionado de las Naciones Unidas para los Refugiados (es) Fuerza de las Naciones Unidas para el Mantenimiento de la Paz en Chipre (es) United Nations Department of Economic Affairs (en) IAEA Special Adviser on Africa (en) Working Group on Discrimination Against Women and Girls (en) Radio de les Naciones Xuníes United Nations Integrated Office in Haiti (en)
Formáu por	Asamblea Xeneral de les Naciones Xuníes Conseyu de Seguridá de les Naciones Xuníes Conseyu Económicu y Social de les Naciones Xuníes Secretaría Xeneral de Naciones Xuníes Corte Internacional de Xusticia Consejo de Administración Fiduciaria de las Naciones Unidas (es) United Nations Committee of the Whole (en) Special Adviser on Africa (en) Working Group on Discrimination Against Women and Girls (en) United Nations Integrated Office in Haiti (en)
Bolsa de valores	Sistema de les Naciones Xuníes
Varios
Premios	(2020)  Premiu Four Freedoms - Medaya de Llibertá (2003)  Premiu Sájarov (2002)  Premiu Nobel de la Paz (1950)  Premios Peabody (es)
Web oficial

La Organización de les Naciones Xuníes^[1] (ONX)^[2], Organización de les Naciones Uníes^[3] (ONU) o simplemente Naciones Xuníes, fundada'l 24 d'ochobre de 1945 en San Francisco (Estaos Xuníos), tres la fin de la Segunda Guerra Mundial, ye la mayor organización internacional del mundu.

El primer periodu de sesiones de l'Asamblea Xeneral celebróse'l 10 de xineru de 1946 en Central Hall Westminster (Londres). Anguaño la sede ta na ciudá de Nueva York demientres que la sede europea (y segunda sede mundial) de la Organización de les Naciones Xuníes asitiase en Xinebra, Suiza. L'antecesora de les Naciones Xuníes foi la Sociedá de Naciones, organización fundada tres la Primer Guerra Mundial en 1919, pa promover la cooperación internacional y consiguir la paz y la seguridá.

En 2012, la ONX tien 193 mimbros, dafechu tolos países soberanos reconocios internacionalmente, esceuto el Vaticanu, la Orde Soberana y Militar de Malta y l'Estáu de Palestina que son estados observadores. Otros estaos independientes de facto como Taiwán y Kosovu nun son miembros, pos son considerados territorios en disputa. Suiza nun ingresó hasta hai bien poco.

Unu de los finxos de la Organización foi la Declaración Universal de los Derechos Humanos, en 1948.

La idea de les Naciones Xuníes foi ellaborada na declaración, firmada durante la Segunda Guerra Mundial, na conferencia d'aliaos celebrada en Moscú en 1943. Franklin Delano Roosevelt, foi'l que suxirió el nome de "Naciones Xuníes", qu'hasta entós yera sinónimu de los aliaos. El 25 d'abril de 1945 celebróse la primera conferencia en San Francisco (la Conferencia de les Naciones Xuníes sobre Organización Internacional). El 26 de xunu les 50 naciones representaes na conferencia firmaron la Carta de les Naciones Xuníes. Polonia, que nun tuvo representada na conferencia, añadió el so nome más tarde, pa un total de 51 Estaos.

Les Naciones Xuníes entamaron la so esistencia el 24 d'ochobre de 1945, tres la ratificación de la Carta polos entós cinco miembros permanentes del Conseyu de Seguridá (China, Francia, Xunión Soviética, el Reinu Xuníu y los Estaos Xuníos) y la gran mayoría de los otros 46 miembros.

Anguaño los únicos que tienen vetu nes decisiones son los cinco miembros permanentes del Conseyu de Seguridá: Estaos Xuníos, Rusia, Francia, Reinu Xuníu y China.

Les Naciones Xuníes tienen seis idiomes oficiales: árabe, chinu, español, francés, inglés y rusu. Cuasi toles reuniones oficiales son interpretaes (tornaes al empar) en toos estos idiomes, asina como son traducíos tolos documentos oficiales, en formatu impresu o electrónicu. Los principales idiomes de trabayu de les Naciones Xuníes son el francés y l'inglés.

Los muérganos de les Naciones Xuníes son:

• L'Asamblea Xeneral
• El Conseyu de Seguridá
• El Conseyu Económicu y Social
• El Conseyu d'Alministración Fiduciaria
• La Corte Internacional de Xusticia
• La Secretaría

El Sistema de les Naciones Xuníes ta organizáu de la siguiente manera (magar que les sigles varíen según los idiomes oficiales de les Naciones Xuníes):

1. ACNUR, Oficina del Altu Comisionáu de les Naciones Xuníes pa los Refuxaos.
2. CCI, Centru de Comerciu Internacional, UNCTAD/OMC.
3. PMA, Programa Mundial d'Alimentos
4. PNUAH, Programa de les Naciones Xuníes pa los Asentamientos Humanos, ONX-Hábitat.
5. PNUD, Programa de les Naciones Xuníes pal Desendolcu.
6. PNUFID, Programa de les Naciones Xuníes pa la Fiscalización Internacional de Drogues.
7. PNUMA, Programa de les Naciones Xuníes pal Mediu Ambiente.
8. UNCTAD, Conferencia de les Naciones Xuníes sobre Comerciu y Desendolcu.
9. UNICEF, Fondu de las Naciones Xuníes pa la Infancia.
10. UNIFEM, Fondu de Desendolcu de les Naciones Xuníes pa la Muyer.
11. VNU, Voluntarios de les Naciones Xuníes.

1. OACDH, Oficina del Altu Comisionáu de les Naciones Xuníes pa los Derechos Humanos.
2. ONUSIDA, Programa Conxuntu de las Naciones Xuníes sobre'l VIH/SIDA.
3. UNOPS, Oficina de les Naciones Xuníes de Servicios pa Proyeutos.
4. UNSSC, Escuela Superior del Sistema de las Naciones Xuníes.
5. UNU, Universidá de les Naciones Xuníes.

1. INSTRAW, Institutu Internacional d'Investigación y Capacitación pa la Promoción de la Muyer.
2. UNICRI, Institutu Interrexonal pa Investigaciones sobre la Delincuencia y la Xusticia.
3. UNIDIR, Institutu de les Naciones Xuníes d'Investigación sobre'l Desarme.
4. UNITAR, Institutu de les Naciones Xuníes pa Formación Profesional ya Investigaciones.
5. UNRISD, Institutu de les Naciones Xuníes d'Investigación pal Desendolcu Social.

1. Comisión de Ciencia y Teunoloxía pal Desendolcu
2. Comisión de Derechos Humanos
3. Comisión de Desendolcu Rural
4. Comisión d'Estadística
5. Comisión d'Estupefacientes
6. Comisión de la Condición Xurídica y Social de la Muyer
7. Comisión de Población y Desendolcu
8. Comisión de Prevención del Delitu y Xusticia Penal
9. Comisión sobre'l Desendolcu Sostenible

1. CECE, Comisión Económica pa Europa.
2. CEPA, Comisión Económica p'África.
3. CEPAL, Comisión Económica p'América Llatina y el Caribe.
4. CESPAC, Comisión Económica p'Asia Occidental.
5. CESPAP, Comisión Económica y Social p'Asia y el Pacíficu.
6. Foru de les Naciones Xuníes sobre les Viesques.

1. CTBTO, Comisión Preparatoria de la Organización del Tratáu de Prohibición de los Ensayos Nucleares.
2. OIEA, Organismu Internacional d'Enerxía Atómica
3. OMC, Organización Mundial del Comerciu.
4. OMT, Organización Mundial del Turismu.
5. OPAC, Organización pa la Prohibición de les Armes Químiques.

1. FAO, Organización de las Naciones Xuníes pa l'Agricultura y l'Alimentación.
2. FMI, Fondu Monetariu Internacional.
3. FIDA, Fondu Internacional de Desendolcu Agrícola.
4. Grupu del Bancu Mundial
   1. AIF, Asociación Internacional de Fomentu.
   2. BIRF, Bancu Internacional de Reconstrucción y Fomentu.
   3. CFI, Cooperación Financiera Internacional.
   4. CIIDI, Centru Internacional d'Igües de Diferencies Relatives a Inversiones.
   5. OMGI, Organismu Multillateral de Garantía d'Inversiones.
5. OACI, Organización d'Aviación Civil Internacional.
6. OIT, Organización Internacional del Trabayu.
7. OMI, Organización Marítima Internacional.
8. OMM, Organización Meteorolóxica Mundial.
9. OMPI, Organización Mundial de la Propiedá Intelectual.
10. OMS, Organización Mundial de la Salú.
11. ONUDI, Organización de les Naciones Xuníes pal Desendolcu Industrial.
12. UIT, Unión Internacional de Telecomunicaciones.
13. UNESCO, Organización de les Naciones Xuníes pa la Educación, la Ciencia y la Cultura.
14. UPU, Unión Postal Universal.

• Wikimedia Commons tien conteníu multimedia tocante a ONX.
• Páxina oficial de les Naciones Xuníes
• Carta de les Naciones Xuníes
• Direutoriu Archiváu 2017-03-17 en Wayback Machine