PROFILPELAJAR.COM

Academia de la Llingua Asturiana
	institución pública y academia
Llocalización
Sede	Uviéu
Direición	España
Historia
Fundación	15 avientu 1980
Organigrama
Presidente	Xosé Antón González Riaño
Presupuestu	207 500 €
	Web oficial

L'Academia de la Llingua Asturiana (ALLA) ye'l muérganu encargáu de la normativización del idioma asturianu. Desendolca tamién llabor d'asesoramientu en tolo que cinca a la llingua. L'Academia de la Llingua Asturiana ye una institución del Principáu d'Asturies que se creó en 1980 por Decretu del Conseyu Rexonal d'Asturies 33/1980 de 15 d'avientu ^[1] y con estatutos aprobaos pol mesmu muérganu por Decretu 9/1981 ^[2], modificaos el 12 d'abril de 1995 ^[3].

Xosé Lluis García Arias foi'l presidente hasta l'añu 2001,^[4] pasando entóncenes a ocupar la presidencia y representación de la institución Ana Cano.^[5]

Nel añu 1919 creárase en Xixón la Real Academia Asturiana de les Artes y les Lletres, siendo la otra academia que s'ocupó na historia del asturianu; sicasí, el llabor d'esta última viérase interrumpíu.

Cargos académicos

L'Academia tien anguaño 22 miembros de númberu, 21 miembros correspondientes y 16 académicos d'honor. Los académicos nun perciben nenguna retribución nin pola so condición de talos nin polos cargos que desempeñen na Academia.

Los cargos académicos son:

Presidente: Xosé Antón González Riaño.
Vicepresidenta: Marta Mori d'Arriba.
Secretariu: Xosé Ramón Iglesias Cueva.
Vicesecretaria: Carme Muñíz Cachón.
Ayalgueru: Carlos Lastra López.

Nel Presidente recái la representación pública de la institución.

Llistáu completu d'académicos

Académicos de númberu^[6]

D. Roberto González-Quevedo González
D. Xosé Ramón Iglesias Cueva
D. Carlos Lastra López
D. Francisco José Llera Ramo
D. Pablo Xuan Manzano Rodríguez
Dña. Josefina Martínez Álvarez
Dña. Marta Mori d'Arriba
Dña. Carmen Muñiz Cachón
Dña. Berta Piñán Suárez

D. Carlos Rubiera Tuya
D. Xuan Xosé Sánchez Vicente
Dña. Isabel Torrente Fernández
Dña. Cristina Valdés Rodríguez
D. Emilio Barriuso Fernández (†)
D. Xosé Bolado García (†)
Dña. Mª Josefa Canellada Llavona (†)
D. Lorenzo Novo Mier (†)
D. Miguel Ramos Corrada (†)
D. Urbano Rodríguez Vázquez (†)

Académicos correspondientes^[7]

Dña. Lourdes Álvarez García
D. Nicolás Bartolomé Pérez
D. Xuan Bello Fernán
D. Xurde Blanco Puente
D. Adolfo Camilo Díaz López
D. José Antonio Fernández Vior
D. Xosé Ignaciu Fonseca Alonso "Nacho Fonseca"

D. Ernesto García del Castillo "Neto"
D. Corsino García Gutiérrez
Dña. Mª Esther García López
D. Xulio Llaneza Fernández
D. Alfonso Martín Caso
D. David Melendi Palacio
D. Próspero Morán López
D. Felipe Prieto García

D. David M. Rivas Infante
D. Vicente Rodríguez Hevia
D. Miguel Solís Santos
D. Pablo Suárez García
D. Xose Antón Suárez Puente
D. Juan Carlos Villaverde Amieva
D. Xosé Álvarez Fernández "Pin" (†)
D. Manuel d'Andrés Fernández "Mánfer de la Llera" (†)
D. Félix Ferreiro Currás (†)
D. Andrés Solar Santurio (†)

Académicos d'honor^[8]

Sr. Direutor de la Real Academia Española
Sr. Presidente del Coleutivu Manuel Fernández de Castro
Sr. Presidente de la Euskaltzaindia
Sr. Presidente del Institut d'Estudis Catalans
Sr. Presidente de la Real Academia Galega
D. José Aurelio Álvarez Fernández
D. James W. Fernández McClintock

D. Xulián Fernández Montes
D. Raimundo Fernández Rodríguez
D. Xosé Lluis García Arias^[9]
D. José Ángel Hevia Velasco
D. Jesús Landeira
D. José Ramón Morala Rodríguez
D. Júlio Meirinhos
D. Michael Metzeltin

D. Celso Muñiz
D. Emilio Alarcos Llorach (†)
D. Álvaro Galmés de Fuentes (†)
D. Manuel García-Galano (†)
D. Joaquín Manzanares Rodríguez-Mir (†)
D. José Luis Pensado Tomé (†)
D. Alonso Zamora Vicente (†)

Historia

El "*DALLA*" y dellos *Cartafueyos normativos*.

En 1981 asoleyó'l so primer trabayu normativu: Normes Ortográfiques, enantaes posteriormente colos cartafueyos Amestadures I (1987) y Amestadures II (1988) y con Conxugación de verbos (1989; espublizao conxuntamente dende la cuarta edición, de 1993); anguaño yá va pola 7ª edición (2012).

En 1982 entamó a editar el boletín Lletres Asturianes («LL.AA.»)^[10] nel que se da lluz a trabayos d'investigación al rodiu de la llingua y lliteratura asturianes, anque tamién s'asoleyen artículos d'etnografía, folclor, historia, etc. Col númberu 104 (marzu de 2011), cámbiase'l formatu p'adaptalu a los estándares de publicación científica internacional;^[11] ye xusto depués de la publicación del so primer númberu especial: un doble volume dedicáu al profesor, y ex-presidente de la institución, Xosé Lluis García Arias. Anguaño, llévense espublizaos 108 númberos, con una periodicidá actual de dos númberos per añu.

En 1998 espublízase la Gramática de la Llingua Asturiana (con una tercer edición en 2001) y en 2000 el Diccionariu de la Llingua Asturiana («DALLA»), colo que completa'l so llabor normativo, aniciao cásique venti años atrás.

Nel añu 2005 entama la espublización de la serie Cartafueyos Normativos, una serie de guíes léxiques normativizadores pa iguar diverses estayes y campos nos que la llingua asturiana nun contaba con un referente nidiu.^[12] Esta xera va complementase dende l'añu 2009 col proyeutu TermAst, que s'encarga de la ellaboración de propuestes terminolóxiques d'aplicación a los nuevos usos de la llingua asturiana en dellos campos temáticos.^[13]

Dende l'añu 2009, el númberu especial de mayu dedicáu a la Selmana de les Lletres, independízase de Lletres Asturianes dando pasu al Lletres Lliterariu, qu'a diferencia de la publicación madre (dende'l númberu 104), caltién el formatu orixinal d'aquelli.^[14] Xunto a esti númberu especial de LL.AA., publica dende 1990 la revista Lliteratura,^[15] dedicada a presentar artículos sobre les últimes obres y autores n'asturianu, asina como una muestra d'ello; ensin una periodicidá fixa, llévense espublizaos 29 númberos (2012).

Llabor principal de l'Academia

El llabor de l'Academia, que vien dau polos sos Estatutos, organízase en delles xuntes de trabayu:

Lexicografía
Normativización
Toponimia
Pedagoxía
Lliteratura
Etnografía y Cultura

Otres xeres

Tamién, y siempre al mandáu de los Estatutos, l'Academia lleva alantre otres xeres, ente les que tán:

Organización de les Xornaes d'Estudiu, sesiones añales de tres díes de duración onde s'afonda nel estudiu de la llingua, la lliteratura, la etnografía y la cultura asturiana en xeneral.
Organización de los Alcuentros "Llingua Minoritaria y Educación".
Cursos de Branu y Pruebes de Conocencia.
Convocatories de concursos: "Investigación", "Llectures pa Rapazos", "Creación Lliteraria", "Recoyida de Material Lliterario Oral", "Teatru", "Recoyida de Material Lliterario Escrito" y "Curtios Cinematográficos".
Llabor editorial. L’Academia tien asoleyaos camín de 500 llibros repartíos en 16 coleiciones y edita estes cuatro revistes:
- Lletres Asturianes (Boletín oficial de la institución).
- Cultures. Revista Asturiana de Cultura.
- Lliteratura.
- Entrambasauguas. A revista del Navia-Eo.

L'iguador ortográficu

L'Academia de la Llingua Asturiana ufierta de baldre un Iguador Ortográficu pal asturianu.^[16] Ye un correutor ortográficu pa los procesadores de testu de Microsoft® Word 97®, 2000®, XP® y 2003®, con una base de datos de cerca de 4 millones de pallabres, basada nel Diccionariu de la Llingua Asturiana («DALLA») asoleyáu pola Academia, y qu'inxer otra base de datos con cuasi 300 regles sintáutiques y ortográfiques. Acompáñase d'un "Diccionariu d'usuariu" y una opción de "Suxerencies" pa facilitar la iguadura más afayadiza.

Referencies

↑ BOCRA nᵘ 13 de 16.7.1981. [1] Archiváu 2014-01-06 en Wayback Machine
↑ BOCRA nᵘ 14 de 22.12.1981. [2]
↑ BOPA nᵘ 136 de 14.6.1995. [3] Archiváu 2014-01-06 en Wayback Machine
↑ Dimisión del presidente de l'ALLA, Lletres Asturianes nᵘ 76, seición "Entamu", Uviéu, 2001; ISSN 0212-0534. [4]
↑ Lletres Asturianes nᵘ 78, seición "Notes y anuncies", Uviéu, 2001; ISSN 0212-0534. [5]
↑ Llistáu de los académicos de númberu na web de la institución. [6]
↑ Llistáu de los académicos correspondientes na web de la institución. [7]
↑ Llistáu de los académicos d'honor na web de la institución. [8]
↑ En 2022, por determín propiu y acordies colos nuevos estatutos de l'Academia pasó a la categoría de Miembru d'Honor.
↑ Llistáu de los númberos de Lletres Asturianes. [9]
↑ "Entamu" del númberu 104. [10]
↑ Llistáu de los Cartafueyos Normativos publicaos. [11]
↑ Páxina del proyeutu TermAst.
↑ Lletres Lliterariu, mayu 2009; Entamu (páx.5-6); ISSN 1889-5182
↑ Llistáu de los númberos de Lliteratura. [12]
↑ Iguador ortográficu.