La Xunión Soviética (rusu: Советский Союзtr.: Sovietsky Soyuz), oficialmente nomada Xunión de Repúbliques Socialistes Soviétiques (XRSS, rusu: Сою́з Сове́тских Социалисти́ческих Респу́бликtr.: Soyuz Sovétskij Sotsialistícheskij Respublik; pronunciación (?·i); abreviáu СССР, SSSR)[3] foi un Estáu federal constitucionalmente socialista qu'esistió n’Eurasia ente 1922 y 1991. El nome emplegáu informalmente ente los residentes foi la Xunión (Soyuz).
La Xunión Soviética y los sos Estaos satélites d'Europa oriental tuvieron involucraos na Guerra Fría, que foi una llarga llucha ideolóxica y política mundial escontra los Estaos Xuníos y los sos aliaos del bloque occidental; finalmente la XRSS cedió énte los problemes económicos y los disturbios políticos internos y esternos.[7][8] Mientres esta dómina, la Xunión Soviética consiguió ser el modelu de referencia pa futuros Estaos socialistes. Dende 1945 hasta 1991, la Xunión Soviética y los Estaos Xuníos dominaron l'axenda mundial de la política económica, asuntos esteriores, operaciones militares, intercambiu cultural, progresos científicos, incluyendo l'entamu de la esploración espacial, y deportes (incluyíos los Xuegos Olímpicos). A finales de la década de 1980, l'últimu líder soviéticu Miḥaíl Gorbachov trató de reformar l'Estáu coles sos polítiques de la perestroika y glasnost, pero la Xunión Soviética derrumbóse y foi disuelta formalmente n’avientu de 1991 tres el fallíu intentu de golpe d'Estáu d'agostu.[9] Dempués d'esto, la Federación de Rusia asumió los sos derechos y obligaciones.[10]
Los llindares xeográficos de la Xunión Soviética variaron conl tiempu, pero tres les sos postreres anexones territoriales principales y la ocupación de los países Bálticos (Lituania, Letonia, y Estonia), del este de Polonia, Besarabia, y dellos otros territorios mientres la Segunda Guerra Mundial, dende 1945 hasta la disolución, los llindares correspondieron aproximadamente a aquellos de la estinta Rusia Imperial, coles esclusiones notables de Polonia, la mayor parte de Finlandia, y Alaska.
↑Crile, George (2003). Charlie Wilson's War: The Extraordinary Story of the Largest Covert Operation in History. Atlantic Monthly Press. ISBN 0871138549.
↑«Rusia ye agora la parte de tou tratáu nos que l'antigua Xunión Soviética foi una de les partes, y tien los mesmos derechos y obligaciones que l'antigua Xunión Soviética, escepto na medida que los axustes se requieran necesariamente, por exemplu, pa tener en cuenta’l cambio na estensión territorial. [...] La Federación Rusa continúa la personalidá xurídica de la ex Xunión Soviética y poro nun ye un Estáu socesor nel sentíu recién mencionáu. Les otres ex repúbliques soviétiques son los Estaos socesores.», United Kingdom Materials on International Law 1993, BYIL 1993, páxs. 579 (636).
.svg)
.svg)
