Josef by sy vader, Jakob, en broers in Egipte, uit Zubdat-al Tawarikh (in die Museum van Turkse en Islamitiese Kuns in Istanboel), 1583Yûsuf
Yûsuf (Arabies: يُوسُف, "Josef") is die 12de soera, of hoofstuk, van die Koran. Dit bevat 111 ajat, of verse, en is vermoedelik in Mekka geopenbaar.[1] Daar word gesê dit is in 'n enkele sitting geopenbaar, en dit is dus uniek wat dit betref.[2] Die soera vertel die verhaal van Josef, seun van Jakob, wat 'n profeet in Islam is.
Anders as die weergawes van ander islamitiese profete,[3] waarvan verskillende elemente en aspekte in verskillende soeras weergegee word, word die geskiedenis van Josef net in dié soera vertel, ten volle en in chronologiese volgorde.[1][4] Die soera vertel ook van die waarheid wat, volgens Moslems, in drome opgesluit lê.
