Giorgia Meloni (* 15 Januarie1977 in Rome) is 'n Italiaansejoernalis en politikus wat sedert 22 Oktober 2022 as die Eerste Minister van Italië dien; sy is die eerste vrou om in die pos te dien.
Sy dien sedert 8 Maart 2014 as voorsitter van die nasionaal-konserwatiewe party, die Broers van Italië. In Silvio Berlusconi se vierde kabinet het sy tussen Mei 2008 en November 2011 die amp van minister vir jeug beklee.
In September 2022 het haar party, aan die hoof van 'n regse koalisie, die Italiaanse nasionale verkiesing gewen. Die Broers van Italië en sy koalisievennote sal voorts 'n sterk meerderheid in beide huise van die Italiaanse parlement hê. Die verkiesing is uitgeroep na die ineenstorting van Mario Draghi se sentrum-linkse koalisieregering in Julie 2022.
Vroeë lewe
Meloni is op 15 Januarie 1977 in Rome gebore.[1] Haar vader was van Rome, terwyl haar ma van Sisilië afkomstig is. Haar vader het die gesin in 1978 verlaat toe Meloni maar net een jaar oud was, na die Kanariese Eilande verhuis en weer getrou. Meloni het vier stiefsusters uit haar pa se tweede huwelik.[2] Meloni het hoofsaaklik in die werkersklas-distrik van Garbatella in Rome grootgeword. Sy het later in haar outobiografie geskryf dat haar kinderjare en haar gesin se ineenstorting haar politieke uitkyk beïnvloed het.[3] Meloni het in 1996 van die l’Istituto tecnico professionale di Stato Amerigo Vespucci gematrikuleer.[4]
Politieke loopbaan
Meloni het op die ouderdom van 15 in 1992 lid van die jeugvleuel van die neo-fascistiese Italiaanse Sosiale Beweging geword wat later in 1995 ontbind het.[1] Sy het in 1996 leier van die studentebeweging van die post-fascistiese Nasionale Alliansie (AN) geword.[5] Van 1998 tot 2002 was sy 'n raadslid van die provinsie Rome. Sy is daarna in 2004 as die eerste vroulike president van die Nasionale Alliansie se jeugvleuel verkies.[6]
In die 2006 nasionale parlementêre verkiesing is Meloni tot die Kamer van Afgevaardigdes as lid van die Nasionale Alliansie verkies. Sy het daarna die liggaam se jongste vise-president geword.[7]
Meloni is op die ouderdom van 31 in 2008 as minister van jeug deur die Italiaanse eerste minister Silvio Berlusconi aangestel. Sy sou die amp tot 2011 beklee.[8]
Meloni het in 2012 saam met Ignazio La Russa and Guido Crosetto die Broers van Italië politieke party gestig waarvan sy in Maart 2014 die leier van sou word.[9]
Eerste minister
Voor die nasionale parlementêre verkiesing op 25 September 2022, was die Broers van Italië ver voor in meningspeiling. Die sentrum-regse koalisie het 'n algehele meerderheid in die Italiaanse parlement in die verkiesing gewen en Meloni is op 22 Oktober 2022 as eerste minister ingehuldig. Sy is die eerste vrou om die amp te beklee.[10]
.jpg)
.svg)
