PROFILPELAJAR.COM

Demokratiese Volksrepubliek Korea
조선민주주의인민공화국 (Koreaans)
Vlag	Embleem
	Nasionale leuse: 강성대국; Gangseong Daegu; (Koreaans vir: "Voorspoedige en Groot Nasie")
	Volkslied: 애국가; Aegukka; (Koreaans vir: "Die Patriotiese Lied")
Hoofstad	Pjongjang 39°2′N 125°45′O / 39.033°N 125.750°O
Grootste stad	Pjongjang
Amptelike tale	Koreaans
Regering • Ewige President; • Ewige WPK se; algemene Sekretaris; • Hoogste Leier; • Voorsitter van die; Vergaderingspresidium; • Eerste Minister	Unitêre eenparty-republiek; Kim Il-sung; ; Kim Jong-il; Kim Jong-oen; ; Choe Ryong-hae; Kim Tok-hun
Onafhanklikheid Vorming; • Bevryding; • Amptelike verklaring	; ; 15 Augustus 1945; 9 September 1948
Oppervlakte; - Totaal; ; - Water (%)	; 120 540 km2 (97ste); 46 540 myl2; 0,11
Bevolking; - 2018-skatting; - 2011-sensus; - Digtheid	; 25 549 604 (55ste); 24 052 231; 212 / km2 (65ste); 549,1 / myl2
BBP (KKP); - Totaal; - Per capita	2015-skatting; $40 miljard ; $1 800
BBP (nominaal); - Totaal; - Per capita	2015-skatting; $25 miljard ; $1 000
Gini (2007)	31 – medium
Geldeenheid	Won (₩) (KPW)
Tydsone; - Somertyd	PYT (UTC+8:30); nie toegepas nie (UTC+8:30)
Internet-TLD	.kp
Skakelkode	+850

Noord-Korea staan amptelik bekend as die Demokratiese Volksrepubliek Korea (Koreaans: 조선민주주의인민공화국, Chosŏn Minjujuŭi Inmin Konghwaguk) en is in Oos-Asië geleë, in die noordelike helfte van die Koreaanse Skiereiland. Noord-Korea is een van die laaste kommunistiese state in die wêreld en is bekend vir sy geharde Stalinistiese regering.

In die suide grens Noord-Korea aan Suid-Korea, in die ooste aan die See van Japan (wat in Noord-Korea egter Oossee genoem word) en aan die Geelsee in die weste. Die twee lande wat tot 1946 verenig was, word deur 'n 248 kilometer lange 'gedemilitariseerde' sone verdeel. In die noorde grens Noord-Korea aan die Volksrepubliek China en Rusland. Dié grens word deur die riviere Tumen en Yalu gevorm.

Die Koreaanse Werkersparty is in beheer van die land, en meer as 80% van regeringsamptenary behoort aan dié party. Die staat word deur 'n ideologie gedryf wat bekend staan as juche, wat die selfvoorsiening van die volk nastreef en die volk as die subjek en meester van die sosiale rewolusie beskou. Mag is gesetel in die leierskap van die Koreaanse Werkersparty. Die leier van Noord-Korea is Kim Jong-il wat op sy beurt ook die leier van die Koreaanse Werkersparty en die weermag is. Kim Jong-il wat in Noord-Korea tot 'n kultusfiguur verhef is, het sy vader, Kim Il-sung, na sy dood in 1994 opgevolg. Ná die oorlede van Kim il-sung is hy deur sy seun Kim Jong-oen opgevolg.

Die Juche-ideologie is die grootste dryfkrag vir Noord-Korea se isolasie in die moderne wêreld. Die ekonomie het gestagneer deur die loop van die negentigerjare en het voedseltekorte in groot dele van die land veroorsaak. Noord-Korea is ook berug vir menseregteskendings wat spraakvryheid en bewegingsvryheid geweldig inperk.

Noord-Korea se internasionale verhoudinge is wankelrig. Reeds sedert die Korea-oorlog is dié land se verhouding met sy bure gespanne. Noord-Korea is tegnies gesproke nog in 'n oorlog met Suid-Korea gewikkel. In die sewentiger- en tagtigerjare was Noord-Korea betrokke by die ontvoering van Japannese en Suid-Koreaanse burgers.

Verwysings

↑ (en) "Korea, North". Britannica Book of the Year 2014. Londen: Encyclopedia Britannica. 2014. p. 642. ISBN 978-1-62513-171-3.
↑ (en) "World Population prospects – Population division". Verenigde Nasies se Departement van Ekonomiese en Maatskaplike Sake, Bevolkingsafdeling. Verenigde Nasies. Geargiveer vanaf die oorspronklike op 28 April 2020. Besoek op 19 Julie 2020.
↑ (en) "Overall total population – World Population Prospects: The 2019 Revision" (xslx). Verenigde Nasies se Departement van Ekonomiese en Maatskaplike Sake, Bevolkingsafdeling (custom data acquired via website). Verenigde Nasies. Geargiveer vanaf die oorspronklike op 18 Februarie 2020. Besoek op 19 Julie 2020.
↑ (en) "DPR Korea 2008 Population Census National Report" (PDF). Pjongjang: DPRK Central Bureau of Statistics. 2009. Geargiveer vanaf die oorspronklike (PDF) op 26 Maart 2016. Besoek op 15 Augustus 2014.
↑ ^5,0 ^5,1 (en) "Noord-Korea". CIA World Factbook. Central Intelligence Agency. Geargiveer vanaf die oorspronklike op 18 Mei 2020. Besoek op 16 Augustus 2020.
↑ (en) "National Accounts Main Aggregate Database". United Nations Statistics Division. Desember 2012. Geargiveer vanaf die oorspronklike op 18 Augustus 2018.
↑ ^7,0 ^7,1 (en) "North Korean Economy Watch » GDP statistics". Geargiveer vanaf die oorspronklike op 8 Januarie 2017. Besoek op 9 Februarie 2017. Hyundai Research Institute (Suid-Korea)