Whangarei
Whangarei City Whangarei District
Urbant område	Folketal	48 300
	Avgrensing	Hikurangi til Portland Te Hihi til flyplassen
Distriktsstyresmakt	Namn	Whangarei District Council
	Folketal	72 200
	Avgrensing	Whangaruru til Waipu; vest til Wheki Valley
Regionalt styre	Namn	Northland Regional Council
Overslag over folketalet den 30. juni 2004 Kjelde: Statistics New Zealand

Whangarei er det største bymessige (urbane) området i regionen Northland på Nordøya på New Zealand. Inntil 1989 vart staden omtala som ein by, men vert no styrt av Whangarei District Council [1]. Distriktet omfattar både Whangarei og dei nærliggjande områda. Trass i dette, vert Whangarei stort sett sett på som ein by, og vert derfor omtala som den nordlegaste byen på New Zealand.

Whangarei har eit subtropisk klima. Om sommaren vert det sjeldan meir enn 30° C. Nedbørsmengda er stor heile året.

Whangareidistriktet omfattar landsbyen Hikurangi og forstadane Kamo, Tikipunga, Whau Valley, Otangarei, Kensington, Regent, Maunu, Morningside, Raumanga, og Onerahi. I tillegg til desse kjem det store landlege område som strendene Ngunguru, sportsfiskesenteret Tutukaka, og mange andre langs kystlinja til Whangarei.

Distriktet strekkjer seg så langt sør som til Bream Bay, og i nord omfattar det halvøya Cape Brett. I vest ligg skogsområdet Waipoua Forest. Øyene Hen and Chicken Islands og Poor Knights Islands vert òg rekna som ein del av Whangarei.

• Skodespelaren Caleb Ross er frå Whangarei. Han er best kjend i rolla som Lex i TV-serien The Tribe.
• Countrymusikaren Keith Urban vart fødd her, men voks opp i Australia. Han bur no i USA og gifta seg med skodespelaren Nicole Kidman den 25. juni 2006 i Sydney.

• Whangarei District Council