Formålet med nasjonalparken er å ta vare på eit i det vesentlegaste urørt fjell- og skogområde typisk for regionen. Det er òg eit formål å ta vare på landskapsformer med blant anna det særprega dødislandskapet med blokkmark, moreneryggar, sjøar og vassystem.
Ålmenta skal ha høve til naturoppleving gjennom utøving av tradisjonelt og enkelt friluftsliv utan særleg teknisk tilrettelegging.
Naturgrunnlaget innanfor nasjonalparken er viktig for samisk kultur og næringsutnytting. Området skal kunne brukast til reindrift.