61°31′25.237″N 7°37′30.713″E / 61.52367694°N 7.62519806°E / 61.52367694; 7.62519806

Breheimen nasjonalpark
nasjonalpark
Land	Noreg
Fylke	Innlandet, Vestland
Kommunar	Skjåk, Lom, Luster
Høgaste punkt	Hestbrepiggan
•  høgd	2 139 moh.
Areal	1 697 km²
Oppretta	7. august 2009
Breheimen nasjonalpark 61°48′00″N 7°50′00″E / 61.8°N 7.8333333333333°E / 61.8; 7.8333333333333
Wikimedia Commons: Breheimen National Park

Breheimen nasjonalpark er ein norsk nasjonalpark som ligg i eit fjell- og breområde i Innlandet fylke og Vestland fylke; i området kjent som Breheimen. Parken vart oppretta 7. august 2009, for å «ta vare på eit stort, samanhengande og villmarksprega naturområde som inneheld særeigne, representative økosystem og landskap som er utan tyngre inngrep.» ^[1] og han dekkjer eit område på 1671 km².

Nasjonalparken ligg i kommunane Skjåk, Lom og Luster; og han grensar opp til fem landskapsvernområde og eitt naturreservat som vart oppretta samtidig, slik at det samla verneområdet utgjer 1794 km²: Strynefjellet landskapsvernområde, Mysubytta landskapsvernområde, Høydalen landskapsvernområde, Mørkridsdalen landskapsvernområde og Vigdalen landskapsvernområde, og Høyrokampen naturreservat. I og med desse områda inngår den nye nasjonalparken i eit samanhengande verneområde som òg omfattar Jostedalsbreen nasjonalpark.

Landskapet er prega av brear, fossar, frodige dalar, høgfjellsområde og kulturlandskap prega av seterbruk.

Søre del av Ottadalen villreinområde inngår i nasjonalparken.

Området inneheld spor etter 6000 års bruk: fangstanlegg, jaktbuer, setrer og vegar.

28 % av arealet i nasjonalparken er statsallmenning, medan 54 % tilhøyrer Skjåk bygdeallmenning.