O nacionalismo branco é un tipo de nacionalismo ou pannacionalismo racista que defende a crenza que as persoas brancas son unha raza^[1] e busca desenvolver e manter unha identidade racial e nacional branca.^[2][3][4] Moitos dos seus defensores identifícanse e adhírense ao concepto dunha nación branca ou dun "etnoestado branco".^[5]

Os analistas describen o nacionalismo branco como algo que se solapa co supremacismo branco e o separatismo branco.^{[4][6][7][8][9][10]} O nacionalismo branco descríbese ás veces como un eufemismo ou un subconxunto do supremacismo branco, e os xornalistas e analistas empregaron ambos termos indistintamente.^[8][11] O separatismo branco é a busca dun "estado só para brancos", mentres que o supremacismo é a crenza de que os brancos son superiores aos non brancos e deben dominalos,^[7][8][9] tomando ideas do darwinismo social e do nazismo.^[12] Os nacionalistas brancos adoitan evitar usar o termo "supremacía" porque ten connotacións negativas.^[13][14]

Os nacionalistas brancos din que buscan asegurar a supervivencia da raza branca e das culturas dos estados historicamente brancos. Sosteñen que os brancos deben manter a súa maioría nos países de maioría branca, manter o seu dominio político e económico, e que as súas culturas deben ser o máis importante.^[4] Moitos nacionalistas brancos cren que a mestizaxe, o multiculturalismo, a inmigración de non brancos e as baixas taxas de natalidade entre os brancos están ameazando a raza branca,^[7] e algúns argumentan que equivale a un xenocidio branco.^[15] Os críticos sosteñen que o termo "nacionalismo branco" é simplemente un "cambio de nome" e que ideas como o orgullo branco existen soamente para achegar unha cara pública aséptica á supremacía branca, e que a maioría dos grupos nacionalistas brancos promoven a violencia racial.^[7][16]

Wikimedia Commons ten máis contidos multimedia na categoría:  Nacionalismo branco

• Ankerl, Guy (2000). Coexisting Contemporary Civilizations. Geneva: INUPRESS. ISBN 978-0-9656383-2-6. 
• Josey, Charles Conant (1983) [1923]. The Philosophy of Nationalism. Washington, D.C.: Cliveden Press. ISBN 978-1-878465-10-8. 
• Levin, Michael E. (1997). Why Race Matters: Race Differences and What They Mean. Westport, CT: Praeger Publishers. ISBN 978-0-275-95789-6. 
• McAuliffe, Terry (2019). Beyond Charlottesville : taking a stand against white nationalism. Thomas Dunne Books, St. Martin's Press. ISBN 978-1250245885. 
• McDaniel, George (ed.) (2003). A Race Against Time: Racial Heresies for the 21st Century. Oakton, VA: New Century Foundation. 
• Robertson, Wilmot (1981). The Dispossessed Majority. Cape Canaveral, FL: Howard Allen. ISBN 978-0-914576-15-0. 
• Robertson, Wilmot (1993). The Ethnostate. Cape Canaveral, FL: Howard Allen. ISBN 978-0-914576-22-8. 
• Swain, Carol M. (2003). Contemporary Voices of White Nationalism in America. New York: Cambridge University Press. ISBN 978-0-521-01693-3.