O Gran Premio de Hungría 2023 (oficialmente Formula 1 Qatar Airways Hungarian Grand Prix 2023) foi unha carreira de automóbiles de Fórmula 1 que se celebrou o 23 de xullo de 2023 en Hungaroring en Mogyoród, Hungría. A carreira foi a 11ª rolda do Campionato Mundial de Fórmula 1 de 2023, a 39ª carreira do Gran Premio de Hungría e a 38ª vez que a carreira se disputou como un evento do campionato do mundo desde a tempada inaugural en 1950.[1]
Antecedentes
O evento tivo lugar durante a fin de semana do 21 ao 23 de xullo..
O provedor de pneumáticos Pirelli levou os compostos de pneumáticos C3, C4 e C5 (designados como duro, medio e brando, respectivamente) para que os equipos os usaran no evento.[2]
Pneus dispoñibles para Budapest
Pneus para pista seca
Pneus para chuvia
Duros (Tipo C3)
sans_cadre Medios (Tipo C4)
Brandos (Tipo C5)
Intermedios
Chuvia
Clasificación
A cualificación celebrouse o 22 de xullo de 2023 ás 16:00 hora local (UTC+2) en condicións de sol.[3]
O gran cambio para a cualificación foron as novas asignacións de pneumáticos. A primeira quenda rodarase de xeito obrigatorio co pneumático duro, a segunda co medio. e na Q3 decisiva, co brando.
Utilizáronse pneumáticos medios para a segunda quenda, Q2. Lando Norris liderou a sesión desde o principio con Oscar Piastri detrás del. Verstappen encabezou inicialmente a folla de tempos, pero a súa volta eliminouse debido a que saltouse os límites da pista. Nico Hülkenberg foi sexto mentres Bottas volveu cuarto. Fernando Alonso, décimo clasificado, colouse na Q3 cunha diferenza de 0,002 segundos, o que significou que Carlos Sainz quedase eliminado. Sainz uniuse a Daniel Ricciardo, Esteban Ocon, Stroll e Pierre Gasly como parte do grupo todos eliminados. Mentres tanto, Lewis Hamilton situouse segundo.
Por último, utilizáronse os brandos para a terceira e última quenda, a Q3, o que significaba que esta foi a primeira vez que Pérez estaba na Q3 desde o Gran Premio de Miami facía dous meses, clasificouse noveno, por detrás de Hülkenberg. Verstappen puxo o seu coche na pole provisional e manteríao ata que Hamilton logrou a súa primeira pole position desde o Gran Premio de Arabia Saudita de 2021, e rompía unha racha dende o Gran Premio de Miami de poles positions establecidas por Verstappen. Norris e Piastri seguiron mostrando o novo ritmo do McLaren MCL60 clasificándose terceiro e cuarto. Alonso quedou oitavo.[4][5]
A carreira celebrouse o 23 de xullo de 2023 ás 15:00 hora local (UTC+2).[3]
Informe da carreira
Na saída, Max Verstappen superou ao polesitter Lewis Hamilton na curva 1 e liderou o resto da carreira de 70 voltas con comodidade, inicialmente con Oscar Piastri detrás del. Tamén na curva 1, Guanyu Zhou, despois dunha mala saída, chocou por detrás a Daniel Ricciardo, que foi empuxado contra as costas de Ocon. Isto empuxou a Ocon contra Gasly, e os dous últimos retiráronse. Isto significaba que Ricciardo quedaba momentaneamente no último lugar.
Os cambios de pneumáticos modificaron a orde, Pérez quedou segundo por detrás de Verstappen, que lideraba con comodidade, Verstappen entraría en boxes e mantería a súa vantaxe. Charles Leclerc foi atacado por Lance Stroll e Carlos Sainz, pero Stroll quedou atrás cando Fernando Alonso adiantouno. A parada de Pérez fixo que Lando Norris fose segundo, e Pérez pronto superou ao compañeiro de equipo de Norris, Piastri, polo cuarto cun pequeno empuxón que mandou a Piastri ao céspede, que os comisarios non investigaron. Pronto, Hamilton tomou o lugar de Piastri pero non puido coller a Pérez. Leclerc acelerou no carril de boxes a unha velocidade de 807 km/h (501 mph) en comparación cun límite de 80 km/h (50 mph), e recibiu un penalización de cinco segundos.
Ao final da carreira, Verstappen sacou unha diferenza de 33 segundos, a máis grande de Verstappen da tempada, mentres Norris seguía defendendo contra Pérez. Logan Sargeant fixo un trompo, que provocou a súa retirada. Red Bull gañou a carreira, batendo o récord de máis vitorias consecutivas dun construtor, con 12, McLaren tiña anteriormente o récord desde 1988, con 11 vitorias consecutivas. Norris de McLaren ocupou o segundo lugar con Piastri quinto. Alonso e Stroll foron noveno e décimo, respectivamente. O segundo lugar de Norris foi a primeira vez na súa carreira na Fórmula Un que conseguiu dous podios consecutivos e a primeira vez que McLaren conseguiu podios consecutivos desde as vitorias consecutivas de Lewis Hamilton e Jenson Button no Gran Premio dos Estados Unidos de 2012 e Gran Premio do Brasil de 2012, respectivamente.[8][9][10][11]
No podio, Norris rompeu accidentalmente o trofeo de Verstappen, un vaso feito a man da Herend valorado nuns 45.000 dólares durante as celebracións. Norris burlouse do incidente, "culpando" a Verstappen do incidente, aínda que desde entón Norris pediu desculpas a el e ao seu equipo. Herend produciu un trofeo de substitución sen custo, que foi entregado a Verstappen a finais de agosto coa asistencia de Norris cunha factura falsa polo trofeo.[12]
↑Noble, Jonathan (24 de xullo de 2023). "Norris blames Verstappen over $45,000 F1 winner's trophy breakage". Motorsport.com. Norris smiled when he reckoned it was Verstappen’s fault for having left the trophy in a bad place. "Max just placed it too close to the edge," said Norris. "It fell over, I guess. Not my problem. It’s his!"
