O Gran Premio do Xapón de 2023 (oficialmente coñecido como o Formula 1 Lenovo Japanese Grand Prix 2023). Celebrouse o 24 de setembro de 2023 no circuíto de Suzuka, en Suzuka, Xapón, foi a 16ª rolda da tempada 2023 e o 48º Gran Premio do Xapón. O evento de 2023 é a trixésima sétima vez que a carreira correuse como un evento do Campionato do Mundo desde a tempada inaugural en 1950, e a trixésima terceira vez que se celebrou en Suzuka.
Pneus dispoñibles
Pneus dispoñibles para Suzuka
Pneus para pista seca
Pneus para chuvia
Duros (Tipo C1)
sans_cadre Medios (Tipo C2)
Brandos (Tipo C3)
Intermedios
Chuvia
Cualificación
A cualificación celebrouse o 23 de setembro de 2023 ás 15:00 hora local (UTC+9).
Durante a terceira quenda, Verstappen fixo a volta rápida, outorgándolle efectivamente a pole position, superándose en máis dunha décima para aseguralo.[1]
A carreira celebrouse o 24 de setembro de 2023 ás 14:00 hora local (UTC+9).
Informe da carreira
na saída da carreira, Oscar Piastri caeu ao terceiro posto con Lando Norris tomando a súa posición. Tamén dous coches entraron en contacto, Valtteri Bottas golpeou o coche de Alexander Albon, sacando o coche de seguridade debido a un exceso de restos na vía. Lewis Hamilton viuse obrigado a entrar no céspede despois de tentar superar a Sergio Pérez Mendoza, que sufriu algún dano, polo que o piloto de Red Bull Racing entrou en boxes e cambiou o alerón dianteiro, caendo ata o último lugar da carreira. Despois do seu accidente na Q1 o día anterior, os enxeñeiros de Williams reconstruíron o coche de Logan Sargeant. Non obstante, o uso de demasiadas pezas de recambio novas que non eran das orixinais significou que o coche fora considerado un terceiro coche, e Logan recibiu unha penalización de dez segundos a cumprir durante a carreira. Tamén obrigouselle a comezar desde o pit lane debido aos cambios que se fixeron no parque pechado.[5] Pérez tamén recibiu unha sanción de cinco segundos por infrinxir a normativa de coches de seguridade. Albon montou un novo alerón dianteiro.
Bottas foi golpeado por Sargeant e tivo que retirarse tras queixarse do manexo do seu coche, recibindo o estadounidense unha penalización de cinco segundos. Pérez golpeou entón a Kevin Magnussen, eliminando da carreira ao piloto danés de Haas. Mentres tanto, Lance Stroll entrou nos boxes e non saíu, e pronto uniuse Albon a súa retirada, pero non antes de que Lewis Hamilton contactara con George Russell á saída da horquilla, forzando a George a saír da pista, pero sen recibir penalización. Houbo confusión na retirada de Pérez da carreira; despois de bater con Magnussen antes, entrou no pit lane e parecía que se retirara. Varias voltas máis tarde reincorporouse á carreira, foi inmediatamente chamado ao boxes para cumprir a súa penalización, nunha táctica deseñada para garantir que a penlizacióna non cumprida non se trasladase ao seguinte Gran Premio de Qatar na forma dunha penalización na grella. Cumprida a penalización, Pérez retirouse unha vez máis.
Neste punto, o polesitter Max Verstappen lideraba a carreira con 16 segundos de vantaxe sobre Norris, segundo clasificado. Porén, Piastri superou a George Russell polo cuarto lugar, o que significa que estaba preparado para o seu primeiro podio na súa carreira na Fórmula Un. Pronto, Charles Leclerc pasou a Russell polo cuarto. Verstappen gañaría a carreira 20 segundos por diante de Norris e Piastri, este último logrando o primeiro podio da súa carreira e Verstappen, que conseguiu a volta rápida, deulle a Red Bull Racing o seu sexto Campionato de Construtores, o segundo consecutivo, tras superar coa súa vitoria tanto a Mercedes como a Ferrari.
