Tears Are Falling
Kissen singlea
Egilea(k)	Kiss
Argitaratze-data	1985
Jatorrizko herrialdea	Ameriketako Estatu Batuak
Ezaugarriak
Genero artistikoa	hard rock
Diskoetxea	Mercury Records (en)
Deskribapena
Honen parte da	Asylum (Kiss albuma)
Ekoizpena
Ekoizlea	Paul Stanley
Hitzak	Paul Stanley
Hitzak	MetroLyrics
Bideoa	YouTube
Kissen kronologia
←Thrills in the Night Tears Are Falling →Crazy Crazy Nights

"Tears Are Falling" Kiss hard rock talde amerikarraren abestia da, beraien 1985eko Asylum albumean agertzen dena.

Paul Stanley abeslari/gitarjoleak idatzia eta abestua, abestiak arrakasta txikia izan zuen single moduan Estatu Batuetan eta Erresuma Batuan argitaratu zutenean. 20. postua lortu zuen Billboardeko Hot Mainstream Rock Tracks zerrendan^[1] eta 51. postua Billboard Hot 100 zerrendan.^[1]

Singlea promozionatzeko musika bideo bat grabatu zuten Londonen 1985eko irailean, David Malletek zuzendua. Nahiz eta ekoizpen merkea zuen, MTV kateko Dial MTV saioan askotan jarri zuten hurrengo hilabeteetan zehar.

Abestia Kissen 1988ko Smashes, Thrashes & Hits arrakasten diskoan ere agertzen da.

Abestia zuzenean jo zuten makillajerik gabeko taldearen bira guztietan, baina, beraien karrerako garai hartako ia abesti guztiak bezala, alde batera utzi zuten 1996tik aurrera makillajea erabiltzen hasi zutenetik. Hala ere, abestia berriro zuzenean jo zuten 2004ko Rock the Nation Tour biran, taldeak makillajearekin jotzen duen makillajerik gabeko garaiko abestien multzo txikian sartuaz.

"Tears Are Falling" Paul Stanleyk berak bakarrik idatzi duen abestietako bat da, eta azkena izan da bere 2006ko Live to Win bakarlari albumerako "Loving You Without You Now" idatzi zuen arte.